នៅក្នុងការលក់យន្តហោះ ពាណិជ្ជកម្ម សម្រាប់ដឹកអ្នកដំណើរកាលពីឆ្នាំ២០១៨ កន្លងមក ក្រុមហ៊ុន ផលិតយន្តហោះអាមេរិក មិនអាចបំពេញទៅតាម ការបញ្ជាទិញពីអតិថជនគ្រប់ចំនួននោះឡើយ ។ ចំណែកក្រុមហ៊ុន អ៊ែរបឺស របស់អឺរ៉ុប វិញ បានប្រគល់យន្តហោះ ដល់អតិថជនរបស់ខ្លួន មិនឲ្យខកនោះឡើយ។
ក្រុមហ៊ុនផលិតយន្ត នៅតំបន់អឺរ៉ុប Airbus បានប្រកាសឲ្យដឹងថា បានប្រគល់យន្តហោះពាណិជ្ជកម្ម ដឹកអ្នកដំណើរឲ្យទៅអតិថជនដែលបញ្ជាទិញ បាន៨០០គ្រឿងនៅក្នុងឆ្នាំ២០១៨ គឺកើនឡើង៩ភាគរយ បើប្រៀបធៀបនឹងឆ្នាំ២០១៧ ជួយឲ្យក្រុមហ៊ុន បានសម្រេចនៅគោលដៅដែលកំណត់ទុក ។
ក្រុមហ៊ុន Airbus បានប្រកាសថា ដើម្បីបញ្ជាក់ពី តួលេខខាងលើ ជាការពិត តាមរយៈ ភាគហ៊ុន របស់ក្រុមហ៊ុនកើនឡើង ដល់ទៅ ៦ភាគរយ បន្ទាប់ពីបណ្តាញ ព័ត៌មានរ៉យទ័របានផ្សាយថា អឺរ៉ុប ក្រុមហ៊ុន Airbus សម្រេចបាននៅគោលដៅ កំណត់ទុក ។ ក្រុមហ៊ុន Airbus បានបញ្ជាក់ថា បានឈានដល់គោលដៅដោយបានបញ្ជូនយន្តហោះ ៨០០គ្រឿង ឲ្យទៅអតិថជនបន្ទាប់ពីការធ្វើតេសរួច ។
បើទោះបីតម្រូវការទិញយន្តហោះយ៉ាងច្រើនប៉ុន្តែក្រុមហ៊ុន នៅតែអាចបំពេញទៅតាម ការបញ្ជារទិញ តាមពេលកំណត់ ។ កតាខាងលើ ក៏មានការរួមចំណែក ពីក្រុមហ៊ុន ផលិតគ្រឿងម៉ាស៊ីនបានប្រគល់ទាន់ពេលវេលាផងដែរ។
គូប្រជែង របស់ក្រុមហ៊ុន Airbus គឺជាក្រុមហ៊ុនផលិតយន្តហោះ Being របស់អាមេរិក ត្រូវប្រឈមនិងបញ្ហា ដោយសារតែមិនអាចប្រគល់យន្តហោះ ឲ្យអតិថជនគ្រប់ចំនួន ពី ៨១០-៨១៥គ្រឿង ក្នុងឆ្នាំ២០១៨ ៕
