នគរបាល​ខេត្ត​កំពង់ចាម​ឃាត់ជនសង្ស័យ៤នាក់​ ពាក់​ព័ន្ធ​នឹង​ករណី​ជួញ​ដូរ​គ្រឿង​ញៀន​

ចែករំលែក៖

ខេត្ត​កំពង់ចាម​ ៖​ ជំនាញខេត្ត សហការជាមួយជំនាញស្រុកបាធាយ និងស្រុកជេីងព្រៃ បេីកកិច្ចប្រតិបត្តិការ បង្ក្រាប និងចាប់ឃាត់ខ្លួន ករណីជួញដូរ​ដោយខុសច្បាប់​នូវសារធាតុញៀន​ ដោយកម្លាំង​ឃាត់មនុស្ស​៤នាក់​ ក្នុង​នោះ​មានស្រី២នាក់​ ចាប់យកថ្នាំញៀន​មួយចំនួន​ផងដែរ​ ។

នគរបាល​ឱ្យ​ដឹង​ថា​ កិច្ច​សហប្រតិបត្តិការ​នេះធ្វេី​ឡេីងនៅថ្ងៃទី៩​ ខែមករា​ ឆ្នាំ​២០១៩​វេលា​ម៉ោង​ ១៥និង១០នាទី នៅចំណុចភូមិត្របែក ឃំុសំបូរ ស្រុកបាធាយ ខេត្តកំពង់ចាម ។

នគរបាល​ស្រុកបាធាយ ឱ្យ​ដឹង​ថា​ ក្នុង​ប្រតិបត្តិការ​នោះកម្លាំងឃាត់មនុស្ស៤នាក់​ ស្រី០២នាក់​ រឹបអូសវត្ថុតាងរួមមាន ម្សៅក្រាម ពណ៌ស​ សង្ស័យថ្នាំញៀន១៥កញ្ចប់(ធំ០២កញ្ចប់ និងតូច១៣កញ្ចប់) ទូរស័ព្ទ០៣គ្រឿង ប្រាក់ញុះញង់ចំនួន ៨០.០០០រៀល និងសម្ភារវេចខ្ចប់មួយចំនួន។

ជនសង្ស័យ​ទាំង​៤នាក់មានឈ្មោះ​ ៖

១-ឈ្មោះ អេីត សុខឡេង ភេទស្រី អាយុ៣២ឆ្នាំ ជាតិខ្មែរ​ នៅភូមិត្របែក ឃំុសំបូរ ស្រុកបាធាយ ខេត្តកំពង់ចាម (ជាមុខសញ្ញាក្នុងបញ្ចីគ្រប់គ្រង)។

២-ឈ្មោះ សុន វីន​ ភេទប្រុស អាយុ២២ឆ្នាំ ជាតិខ្មែរ នៅភូមិត្របែក ឃំុសំបូរ ស្រុកបាធាយ (មុខសញ្ញាក្នុងបញ្ជីគ្រប់គ្រង)។

៣-ឈ្មោះ ជី ផាន់ ភេទប្រុស អាយុ២៨ឆ្នាំ ជាតិខ្មែរ នៅភូមិត្របែក ​ឃំុសំបូរ ស្រុកបាធាយ (មុខសញ្ញាដោះលែងពីពន្ធនាគារ ករណី ជួញដូរដោយខុសច្បាប់នូវសារធាតុញៀន)

៤-ឈ្មោះ ឆី អារី ភេទស្រី អាយុ២៤ឆ្នាំ ជាតិខ្មែរ នៅភូមិក្តីកណ្តាល ឃំុសារិកាកែវ ​ស្រុកល្វាឯម ខេត្តកណ្តាល។

បច្ចុប្បន្ន​កម្លាំង​កសាងសំណុំ​រឿងត្រៀមបញ្ជូនទៅសាលាដំបូងខេត្តចាត់ការបន្តតាមនីតិវិធី​ ៕ ដោយ ៖ ​វណ្ណៈ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print