ខេត្តកំពង់ឆ្នាំង: មានករណីរថយន្តកុងតឺន័រ ពាក់ស្លាកលេខ 4A-0585 មួយគ្រឿងជារថយន្តដឹកភេសជ្ជ:បាកាស បានក្រឡាប់ផ្ងារជើងជង្រ្គាងៗ ប៉ុនតែមិនបណ្តាលឲ្យមនុស្សរងគ្រោះនោះនោះទេដោយគ្រាន់តែរងការខូចខាតភេសជ្ជៈអស់ជាច្រើនកេសប៉ុណ្ណោះ។
ហេតុការណ៍នេះបានកើតឡើងនៅវេលាម៉ោង២យប់ ឈានចូលថ្ងៃព្រហស្បតិ៍៤ កើត ខែបុស្ស ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែមករា ឆ្នាំ២០១៩ នៅផ្លូវជាតិលេខ៥ ភូមិអូររូង ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។
ក្នុងករណីនេះសមត្ថកិច្ចសង្ស័យថាបណ្តាលមកពីអ្នកបើកបរងងុយដេកតែចាត់ទុកជាសំណាងដែលមិនបណ្តាលឲ្យមានមនុស្សរងគ្រោះដល់អាយុជីវិត និងមិនប៉ះពាល់ទ្រព្យសម្បត្តិរដ្ឋឡើយ។
ក្រោយមក សមត្ថកិច្ចមូលដ្ឋាន បានឲ្យម្ចាស់រថយន្តខាងលើ រករថយន្តស្ទូចដើម្បីស្ទូចរថយន្តយកទៅជួសជុសដោយខ្លួនឯងនិងផ្ទេរទំនិញទោដាក់រថយន្តមួយទៀត ៕
...
