ស្អាតទាំងសម្រស់ស្អាតទាំងចិត្ត​ ជួយ​សម្រាលកូនស្ត្រីអនាថាតាមដងផ្លូវទទួលបានជោគជ័យ

ចែករំលែក៖

ភ្នំពេញ ៖ ស្ត្រី​ជាជនអនាថាម្នាក់នៅពេលធ្វេីដំណេីរដោយ​ថ្មេីរជេីងនៅពេលយប់បានឈឺពោះសម្រាលកូននៅតាមដងផ្លូវ​ ហេីយត្រូវបានជួយសង្គ្រោះបឋមទាំងមិនខ្ពេីមរអេីមពីនារីរូបស្អាត​ វ័យក្មេង​ និងប្រជាពលរដ្ឋទទួលបានជោគជ័យ ។

ហេតុការណ៍​លះបង់​គ្រប់​យ៉ាង​រួមទាំង​ជីវិត​ដេីម្បីកូនបង្កការភ្ញាក់ផ្អេីលកាលពីវេលាម៉ោង១២យប់ រំលងអធ្រាត្រឈានចូលថ្ងៃ អាទិត្យ ទី១៣ ខែមករា ឆ្នាំ២០១៩ ស្ថិតនៅតាមបណ្តោយផ្លូវ៣១៥កែងនិងផ្លូវ៥១៦ ជាប់និងផ្សារធីខេ ក្នុងសង្កាត់បឹងកក់១ ខណ្ឌ​ ទួលគោក រាជធានីភ្នំពេញ ។

មិនមាននរណាស្គាល់អត្តសញ្ញាណស្ត្រីអនាថាដែលបានសម្រាលកូននៅតាមដងផ្លូវនោះ​ទេ​ ប៉ុន្តែ​គេប៉ាន់ប្រមាណថាមានវ័យជាង៣០ឆ្នាំ ។

តាមប្រភពពីសន្តិសុខម្នាក់ ដែលយាមនៅក្បែរកន្លែងកើតហេតុបានឲ្យដឹងថា មុនកើតហេតុរូបគាត់ បានឃើញស្ត្រីអនាថាខាងលើនេះ បានធ្វើដំណើរដោយថ្មើរជើង តាមបណ្តោយផ្លូវ៥១៦ ទិសដៅពីកើតទៅលិច មកឈប់អង្គុយនៅ​ ចំណុចកើតហេតុ បានត្អូញត្អែរថា រូបគាត់ឈឺពោះណាស់ ខណះនោះក៏មានប្រជា​ពលរដ្ឋធ្វើដំណើរ តាមដងផ្លូវ បាននាំមកជួយសង្គ្រោះបឋម និងរង់ចាំរថយន្តសង្គ្រោះមកដឹក ប៉ុន្តែ​នៅ​ គ្រា​នោះ​មាននារីវ័យក្មេង​ ស្អាត​ទាំង​សម្រស់​មកជួយសម្រាលកូនយ៉ាងស្និទ្ធ​ ពោលគឹមិនខ្ពេីមរអេីម​រហូតសម្រាលបានទារិកាមួយដោយជោគ​ ជ័យ​ ព្រមជាមួយការស្ងើចកោតសរសើរពីប្រជាពលរដ្ឋទីនោះគ្រប់ៗគ្នា។

បន្ទាប់មកក៏មានអន្តរាគមន៍​ពីសមត្ថកិច្ចមូលដ្ឋានបាន​នាំស្ត្រីសម្រាលកូនខាងលេីយកទៅសង្គ្រោះ​នៅឯមន្ទីរពេទ្យកាល់ម៉ែត្រ ៕​ ដោយ​ ៖​ ជាយក្រុង

...

 


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print