ខេត្តកំពង់ឆ្នាំង៖  ជនសង្ស័យម្នាក់ត្រូវសមត្ថកិច្ចនគរបាលស្រុកទឹកផុសធ្វើឃាត់ខ្លួនពីបទចែកចាយថ្នាំញៀន កាលពីល្ងាចថ្ងៃទី៤ ខែធ្នូ ឆ្នាំ២០១៥ នៅឃុំជាប ស្រុកទឹកផុស ខេត្តកំពង់ឆ្នាំង ។

សមត្ថកិច្ចបានអោយដឹងថា ជនសង្ស័យនេះមានឈ្មោះជួន វ៉ាន់ណូ ភេទប្រុស អាយុ២០ឆ្នាំ រស់នៅក្នុងភូមិឃុំកើតហេតុខាងលើ ។  ក្នុងពេលឃាត់ខ្លួនសមត្ថកិច្ចបានដកហូតបានម៉ូតូចំនួន១គ្រឿង ថ្នាំញៀន២កញ្ចប់ ដែកកេះ៤ និង ឧបករណ៍សម្រាប់ជក់ថ្នាំញៀនមួយចំនួនផងដែរ ។

សមត្ថកិច្ចបានអោយដឹងថា ជនសង្ស័យគឺជាមុខសញ្ញាចាស់ ដែលសមត្ថកិច្ចធ្វើការតាមដានជាយូរណាស់មកហើយ នៅថ្ងៃឃាត់ខ្លួន កម្លាំងបង្កប់របស់សមត្ថកិច្ចបានរាយការណ៍ អំពីសកម្មភាពរបស់ជនសង្ស័យ  ហើយបានដាក់កម្លាំងព័ទ្ធចាប់បានតែម្តង ។

ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនមកស្នងការដ្ឋាននគរបាលខេត្តកំពង់ឆ្នាំង ដើម្បីចាត់ការបន្តតាមនីតិវិធី ៕

ដោយ៖ ចន្ថា