ខេត្ដកំពង់ចាម៖ សាលាវិស្វកម្ម តេជោ បញ្ជាការដ្ឋានវិស្វកម្មអគ្គបញ្ជា ការបានប្រារឰពិធីសម្ពោធអគារសាល ប្រជុំ បញ្ចុះបឋមសិលាសាងសង់អគារ សិក្សា ព្រមជាមួយពិធីបិទវគ្គហ្វឹកហ្វឺន ជំនាញសំណង់ការពារជាតិជំនាន់ទី១ និង បើកវគ្គបំប៉ននាយទាហានថ្នាក់បញ្ជា ការសេនាធិការវិស្វកម្ម និងជំនាញ សំណង់ការពារជាតិជំនាន់ទី២ ។
ពីធីនេះបានប្រព្រឹត្ដទៅកាលពីព្រឹក ថ្ងៃទី៧ ខែធ្នូ ឆ្នាំ២០១៥ ក្រោមអធិបតី ភាពលោកនាយឧត្ដមសេនីយ៍ ប៉ុល សារឿន អគ្គមេបញ្ជាការកងយោធ ពលខេមរភូមិន្ទ(ខ.ភ.ម.)ព្រមទាំងវត្ដ មាននាយទាហានប្រភេទទ័ពជំនាញតាម ស្ថាប័នកងឯកភាពចំណ*ុះក្រសួងការពារ ជាតិ អគ្គបញ្ជាការជាច្រើនរូបទៀត ។
លោកនាយឧត្ដមសេនីយ៍ ខ្វាន់ ស៊ាម អគ្គមេបញ្ជាការរង មេបញ្ជាការបញ្ជា ការដ្ឋានវិស្វកម្មអគ្គបញ្ជាការបានឱ្យដឹង ថា បញ្ជាការដ្ឋានវិស្វកម្មបានដាក់ចេញ គោលការណ៍កសាងសាលាវិស្វកម្ម តេជោជាជំហានៗ កសាងផង ហ្វឹកហ្វឺន ផង និងពង្រឹងសមត្ថភាពសាលា អនុវត្ដ វិធីសាស្ដ្រពីទ្រង់ទ្រាយតូចឈានទៅទ្រង់ ទ្រាយធំ ហ្វឹកហ្វឺនរយៈពេលខ្លីទៅរយៈ ពេលមធ្យម និងវែង ពីកម្រិតទាបឈាន ទៅកម្រិតខ្ពស់ ថ្នាក់វិទ្យាស្ថានវិស្វកម្ម តេជោនាថ្ងៃអនាគត ឆ្លើយតបតាមការ អភិវឌ្ឍរបស់ ខ.ភ.ម. ។ ពិសេសកង កម្លាំងវិស្វកម្មអគ្គបញ្ជាការ មានគ្រប់ លទ្ធភាពក្នុងការបំពេញភារកិច្ចដែល ថ្នាក់លើប្រគល់ជូន ។
លោកឧត្ដមសេនីយ៍ឯក សូ សុវណ្ណមុនី នាយរងសេនាធិការចម្រុះមេបញ្ជាការ រងបញ្ជា ការដ្ឋានវិស្វកម្មបានឱ្យដឹងថា ដោយបានការជួយបណ្ដុះបណ្ដាលជំនាញវិស្វកម្មចាប់តាំងពីឆ្នាំ១៩៨០មកដល់ បច្ចុប្បន្នមានចំនួន៦៦៣នាក់ ក្នុងនោះ បណ្ដុះបណ្ដាល៥១៣នាក់ និងបំប៉ន១៥០ នាក់បច្ចុប្បន្នកំពុងសិក្សា១៨៦នាក់រួម មានបណ្ដុះបណ្ដាលវិស្វករសំណង់យោធា ចំនួន៧វគ្គ មាន៥១នាក់ (វិទ្យាស្ថាន បច្ចេកទេសហាណូយ) បណ្ដុះបណ្ដាល នាយទាហានបញ្ជាការបច្ចេកទេសទ័ព ជាង៥វគ្គ មាន៨៨នាក់ (សាលានាយ ទាហានបញ្ជាការបច្ចេកទេសទ័ពជាង ប៊ិញយឿង) បំប៉នយោធាចារ្យ១វគ្គ មាន៤៧នាក់ ។
លោកវរសេនីយ៍ឯក ង្វៀន អាញ់យុង ប្រធានអនុព័ន្ធយោធាវៀតណាមក៏បាន លើកឡើងពីប្រពៃណីសាមគ្គីដ៏យូរលង់ រវាងកងទ័ពប្រជាជនប្រទេសទាំង២ អនុ វត្ដតាមអនុស្សរណៈរវាងក្រសួងការពារ ជាតិប្រទេសទាំង២ ។ វៀតណាមនឹងបន្ដ ជួយដល់ខ.ភ.ម.បន្ដទៀត ។
លោកនាយឧត្ដមសេនីយ៍ប៉ុល សារឿន បានថ្លែងអំណរគុណយ៉ាងជ្រាលជ្រៅ ចំពោះបក្ស រដ្ឋាភិបាល កងទ័ព ប្រជា ជនវៀតណាមជានិច្ចកាលតែងតែផ្ដល់ ការឧបត្ថម្ភគាំទ្រចំពោះប្រជាជននិង ខ.ភ.ម.ធ្វើឱ្យកងវិស្វកម្មខ.ភ.ម.មិន ត្រឹមតែបំពេញភារកិច្ចស្នូលរបស់ខ្លួន ក្នុងផ្ទៃប្រទេសប៉ុណ្ណោះទេ ប៉ុន្ដែបានចូល រួមចំណែកយ៉ាងសកម្មក្នុងការបំពេញ បេសកកម្មថែរក្សាសន្ដិភាពតាមបណ្ដា ប្រទេសនានាលើពិភពលោកក្នុងក្របខ័ណ្ឌ អង្គការសហប្រជាជាតិបានធ្វើឱ្យកិត្យានុ ភាព កិត្ដិនាមរបស់កម្ពុជាកាន់តែត្រូវ បានលើកកម្ពស់លើឆាកអន្ដរជាតិ ។
ក្នុងនោះដែរគណៈអធិបតីក៏បាន ផ្ដល់អនុសាសន៍ដល់បញ្ជាការដ្ឋានវិស្វ កម្មត្រូវបន្ដពង្រឹងស្នាដៃថ្មីៗថែមទៀត ពិសេសត្រូវស្មោះត្រង់ដាច់ខាតចំពោះ ឧត្ដមប្រយោជន៍មាតុភូមិប្រតិបត្ដិម៉ឺងម៉ាត់នូវលក្ខន្ដិកៈរបស់ខ.ភ.ម.បទបញ្ជាការរាជរដ្ឋាភិបាល ក្រសួងការពារជាតិ អគ្គបញ្ជាការបានប្រគល់ជូន ៕
ដោយ៖ សុខដុម
