ដើម្បីផលប្រយោជន៍ប្រទេសជាតិ​ អធិការបតីអាល្លឺម៉ង អនុញ្ញាតឲ្យក្រុមហ៊ុនហួវាយបង្កើតបណ្តាញ​5G

ចែករំលែក៖

អាល្លឺម៉ង បានសម្រេចអនុវត្តគោលនយោបាយ ផ្ទុយពីអាមេរិក និងបណ្តាប្រទេសមួយចំនួននៅអឺរ៉ុប ដែលបានដើរតាមអាមេរិក ទត់ចោលក្រុមហ៊ុនបច្ចេកវិទ្យា ហួវាយ  ដោយអាល្លឺម៉ងបានសម្រេច ឲ្យក្រុមហ៊ុនហួរវាយបន្តសកម្មភាព​បង្កើតបណ្តាញ5G ​និងការធានា ថាមិនធ្វើចារកិច្ចឲ្យរដ្ឋាភិបាលចិនឡើយ។

កន្លងមកអាមេរិកគិតតែពីផលប្រយោជន៍ខ្លួនឯង ដោយធ្វើឲ្យបាត់បង់ផលប្រយោជន៍ប្រទេសដទៃ ។ទាំងនោះហើយបានជាពេលនេះអធិការបតី អាល្លឺម៉ង់ លោកស្រី  Angela Merkel ​អនុវត្តនយោបាយ«អាល្លឺម៉ង់ជាចម្បង»​​ដោយលោកស្រី បានសម្រេចបើកភ្លើងខៀវ ឲ្យក្រុមហ៊ុនបច្ចេកវិទ្យា​ Huawei ​បន្ត កសាងបណ្តាញ​ 5G នៅក្នុងប្រទេសនេះ។

នៅក្នុងដំណើរទស្សនកិច្ចទៅកាន់អាល្លឺម៉ង់រយៈពេល​២ថ្ងៃ ចាប់ផ្តើមនៅថ្ងៃទី​៥ខែកុម្ភៈ អធិការបតីអាល្លឺម៉ង់ លោកស្រី​Merkel ​បានលើកឡើង ពីការបន្តកិច្ចសហប្រតិបត្តិការ ឲ្យក្រុមហ៊ុន​ Huawei កសាងបណ្តាញសេវាកម្ម​ 5G នៅក្នុងប្រទេសនេះ។

មេដឹកនាំអាល្លឺម៉ង់ បានលើកឡើងថា ប្រសិនបើក្រុមហ៊ុន​ Huawei ​ចង់បន្តសកម្មភាពផ្គត់ផ្គង់ សម្ភារៈ ទូរគមនាគមន៍​ 5G ​ គឺក្រុមហ៊ុនត្រូវតែ បង្ហាញ បញ្ជាក់ឲ្យបានច្បាស់ថា ក្រុមហ៊ុន និងមិនធ្វើចារកិច្ចឲ្យរដ្ឋាភិបាលចិនឡើយ។

សកម្មភាពខាងលើរបស់ អធិការបតីអាល្លឺម៉ង់ គឺផ្ទុយទាំងស្រុងទៅនិងអាមេរិក និងប្រទេសមួយចំនួននៅតំបន់អឺរ៉ុប ក្នុងនោះមានអង់គ្លេស អីតាលី ប៉ូឡូញ​ …ជាដើម។

ប៉ុន្តែ ក្រុមហ៊ុន Huawei ​ជាអ្នកផ្គត់ផ្គង់​សម្ភារៈសម្រាប់បណ្តាញ​ 5G ​ដែលមានតម្លៃទាបបំផុត លើពិភពលោក ។ប្រសិនបើប្រើប្រាស់ ផលិតផលរបស់Huawei ​នឹងជួយសន្សំសំចៃបានប្រាក់ប្រមាណ​ពី​១០-២០ភាគរយ  បើប្រៀបធៀបនិងក្រុមហ៊ុនផ្សេង។ ទាំងនោះហើយបានជាមេដឹកនាំអាល្លឺម៉ង់ មានបំណងចង់ឲ្យក្រុមហ៊ុន​ចិនមួយនេះបន្តសកម្មភាព បង្កើត​ 5G នៅក្នុងប្រទេសរបស់ខ្លួន ៕

...

 


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print