ភ្នំពេញ៖ ជនសង្ស័យ២នាក់ ម្នាក់ជាបុគ្គលិករបស់សណ្ឋាគារភ្នំពេញត្រូវកម្លាំងអាវុធហត្ថខណ្ឌដូនពេញឃាត់ខ្លួនពាក់ព័ន្ធករណីចែកចាយគ្រឿងញៀនយ៉ាងសកម្មនៅច្រកចូលអូរតែលភ្នំពេញខាងជើង និងដកហូតថ្នាំញៀនជាច្រើនកញ្ចប់ផងដែរ ។
ករណីចុះបង្ក្រាបទីតាំងគ្រឿញៀនខាងលើនេះ បានធ្វើឡើងកាលពីវេលាម៉ោង០១និង២៥នាទីរំលងអធាត្រ ឈានចូលថ្ងៃទី០៨ ខែធ្នូ ឆ្នាំ២០១៥ នៅចំណុចផ្លូវ៨៦(ច្រកចូលអូរតែលភ្នំពេញខាងជើង)សង្កាត់ស្រះចក ខណ្ឌដូនពេញ ។
មន្ត្រូកងរាជអាវុធហត្ថខណ្ឌដូនពេញ បានឲ្យដឹងថាជនសង្ស័យដែរឃាត់ខ្លួន២នាក់នេះ ទី ១.ឈ្មោះ គង់ ច័ន្ទដារា ភេទប្រុស អាយុ២៩ឆ្នាំ មុខរបរបុគ្គលិកសណ្ឋាគារភ្នំពេញ ស្នាក់នៅផ្ទះលេខ១២ ផ្លូវ៩៣ សង្កាត់ស្រះចក ខណ្ឌដូនពេញ (ជាម្ចាស់ថ្នាំ) ទី ២.ឈ្មោះ ចាប សាមី ភេទប្រុស អាយុ៣៥ឆ្នាំ មុខរបរមិនពិតប្រាកដ ស្នាក់នៅភូមិឬស្សីស្រស់ សង្កាត់និរោធន៍ ខណ្ឌមានជ័យ(ជាអ្នករារាំងមិនអោយកំលាំយើងមិនអោយចូលឆែកផ្ទះ) និងវត្ថុតាងចាប់យកមានៈ -ក្រាមពណ៌សថ្លា ចំនួន១០កញ្ចប់តូច -ទូរស័ព្ទដៃ ម៉ាកណូគា ចំនួន០១គ្រឿង។
បច្ចប្បន្ន វត្ថុតាង និងជនសង្ស័យ ត្រូវបានបញ្ជូនទៅទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីកសាងសុំណុំរឿងទៅតុលាការចាត់ការតាមច្បាប់ ៕
ដោយ៖ ស ដារ៉ា
