ភ្នំពេញ៖ បុរសម្នាក់បានស្លាប់និង២នាក់រងរបួសស្រាល ខណៈដែលកំពុងជិះម៉ូតូឌុបគ្នាហើយក៏ត្រូវរថយន្តដឹកដីបើកមកបុកពីក្រោយកិនបែកក្បាលស្លាប់ភ្លាមៗ ចំណែក២នាក់ទៀតរងរបួសស្រាល ។

កាលពីវេលាម៉ោង៦​ថ្ងៃទី៧ ខែធ្នូ ឆ្នាំ២០១៥ តាមបណ្តោយផ្លូវលោកឧកញ្ញម៉ុងឫទ្ធីកែងនិងផ្លូវភ្នំពេញហាណូយដែលស្ថិតនៅក្នុងភូមិបាយាបសង្កាត់ភ្នំពេញថ្មី ខណ្ឌសែនសុខ ​។ សពត្រូវបានគេស្គាល់ឈ្មោះ កុសល ភេទប្រុស អាយុ៣២ឆ្នាំ មានស្រុកកំណើត ភូមិព្រៃសំរោង ឃុំព្រៃពន់ ស្រុកកំពង់ត្របែក ខេត្តព្រៃវែង។​

បើតាមប្រភពពីកន្លែងកើតហេតុបានប្រាប់អោយដឹងថា នៅវេលាម៉ោងខាងលើគេបានឃើញជនរងគ្រោះបានជិម៉ូតូគុបមូល១គ្រឿងពាក់ស្លាកលេខ ភ 8972 ឌុបគ្នា៣នាក់ក្នុងទិសដៅពីកើតទៅលិចលុះមកដល់ចំណុចកើតហេតុក៍មានរថយន្តបែនដឹកដី១គ្រឿងម៉ាកHiNo ពាក់ស្លាកលេខភ្នំពេញ3A-7040បានបើកមកពីក្រោយបុកបណ្តាលអោយដួលកិនស្លាប់ម្នាក់និងរបួសស្រាល២នាក់តែម្តង ។

ក្រោយពីកើតហេតុរថយន្តនិងម៉ូតូត្រូវបានយកទៅរក្សាទុកនៅលរិយាល័យចរាចរណ៌ផ្លូវគោក ដើម្បីរងចាំដោះស្រាយគ្នានៅពេលក្រោយ រីឯសពត្រូវសមត្ថកិច្ចប្រគល់ទៅអោយក្រុមគ្រួសារដឹកយកទៅធ្វើបុណ្យតាមប្រពៃណីនៅស្រុកកំណើតឯខេត្តព្រៃវែង ៕

ដោយ៖ តុង សីហា