ជនជាតិកូរ៉េបើកបុកម៉ូតូរួចបន្តរបុកផ្ទះលក់ឥវ៉ាន់ចាប់ហ៊ួយស្លាប់ម្នាក់ របួសធ្ងន់២នាក់ នៅស្រុកកណ្តាលស្ទឹង

ចែករំលែក៖

ខេត្តកណ្តាល ៖ យ៉ាងហោចណាស់មនុស្សម្នាក់បានស្លាប់ និងពីនាក់ទៀតរងរបួសធ្ងន់ក្នុងករណីគ្រោះថ្នាក់ចរាចរណ៍ជន ជាតិកូរ៉េបើកបុកម៉ូតូរួចបន្តរបុកផ្ទះលក់ឥវ៉ាន់ចាប់ហ៊ួយស្លាប់ម្នាក់ របួសធ្ងន់០២នាក់ ។

ហេតុការណ៍ក្រោះថ្នាក់ចរាចរណ៍នេះបានកើតឡើងនៅវេលាម៉ោង១២និង៣០នាទី  ថ្ងៃទី១០ ខែកុម្ភៈ ឆ្នាំ ២០១៩ នៅលើផ្លូវជាតិលេខ 2 ច្រកគីឡូម៉ែត្រ ៣០-៣១ ភូមិព្រៃតាតូច ឃុំបឹងខ្យាង ស្រុកកណ្តាលស្ទឹងខេត្តកណ្តាល។

ជនរងគ្រោះទី០១ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ព្រៃវែង2J-4716 បើកបរដោយឈ្មោះ ឃី ឃុន ភេទប្រុស អាយុ៥០ឆ្នាំ (ស្លាប់) នៅកន្លែងកើតហេតុ មានអ្នករួមដំណើរម្នាក់ឈ្មោះដូង ចន្ធូ ភេទស្រី អាយុ៥០ឆ្នាំ រងរបួសធ្ងន់ អ្នកទាំង ២នាក់រស់នៅភូមិរោងដំរី ឃុំក្រោក ស្រុកបាភ្នំខេត្តព្រៃវែង (ត្រូវជាប្តីប្រពន្ធ) បើកបរក្នុងទិសដៅពីជើងទៅត្បូង(ពីភ្នំពេញទៅតាកែវ) ។ ចំណែកជនរងគ្រោះម៉ូតូមួយគ្រឿងទៀតម៉ាកហុងដា គុប សេ៥០ ពណ៌ស្លែ ពាក់ស្លាកលេខភ្នំពេញ1D-9983 បើកបរដោយឈ្មោះផុន  ជឿន ភេទប្រុស អាយុ៤២ឆ្នាំ មានទីលំនៅភូមិកណ្ដោល ឃុំពត់សរ ស្រុកបាទីខេត្តតាកែវ បើកបរក្នុងទិសដៅពីជើងទៅត្បូង(ពីភ្នំពេញទៅតាកែវ)រងរបួសធ្ងន់ ។

ជនបង្ករមានឈ្មោះ Yoo Jae Chun(យូ ជែឈិន) ភេទប្រុស អាយុ ៦៧ឆ្នាំ ជាជនជាតិកូរ៉េ សញ្ជាតិ ខ្មែរបច្ចុប្បន្នស្នាក់នៅ ផ្ទះ637 ក្រុម 42 ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។

នគរបាលចរាចរណ៍ស្រុកកណ្តាលស្ទឹងបានអោយដឹងថា នៅមុនពេលកើតហេតុរថយន្តម៉ាកឡិចស៊ីស rx300 បើកបរក្នុងទិសដៅពីត្បូងមកជើង  ពីរខេត្តាតកែវ មកភ្នំពេញមានអ្នករួមដំណើរ ពីរនាក់ ពេលមកដល់ចំណុចកើតហេតុភូមិឃុំ ខាងលើ បានរេចង្កូតមកខាងឆ្វេង ចូលគន្លងខាងស្ដាំម៉ូតូ បណ្ដាលឲ្យបុកម៉ូតូ ចំនួន២គ្រឿង ម៉ូតូ ទី១ ម៉ាកហុងដា សេ១២៥ ពណ៌ខ្មៅពាក់ស្លាកលេខ ព្រៃវែង ជិះគ្នា ២នាក់ស្រី ១នាក់ បើកបរក្នុងទិសដៅពីជើងទៅត្បូង(ពីភ្នំពេញទៅតាកែវ)បញ្ច្រាសទិសគ្នា និងម៉ូតូ ១គ្រឿងទៀត ម៉ាកហុងដាគុបC៥០ ពណ៌ស្លែ  ពាក់ស្លាក លេខភ្នំពេញ ជិះម្នាក់ឯង បើកបរក្នុងទិសដៅពីជើងទៅត្បូង(ពីភ្នំពេញទៅតាកែវ)បញ្រ្ចាសទិសគ្នា បណ្ដាលឲ្យភាគីខាងម៉ូតូហុងដាសង់សេ១២៥ស្លាប់អ្នកបើកបរ១នាក់នៅនឹងកន្លែងកើតហេតុនិងរបួសធ្ងន់១នាក់អ្នក
រួមដំណើរ ១នាក់ស្រី ចំណែកម៉ូតូ honda កុបC50 រងរបួសធ្ងន់ ៕ ចំពោះអ្នករងរបួសធ្ងន់ ទាំងពីរនាក់ ត្រូវបានបញ្ជូនទៅមន្ទីរពេទ្យភ្នំពេញ ចំណែកសាកសពត្រូវបានប្រគល់ជូនសាច់ញាតិបងប្អូនយកទៅធ្វើបុណ្យតាមប្រពៃណី។

ចំពោះអ្នកបើកបររថយន្ត ត្រូវបាននាំមកសាកសួរនៅអធិការដ្ឋានចំពោះវត្ថុតាងរថយន្តនិងម៉ូតូទាំង ២ គ្រឿងកម្លាំងជំនាញបានយកមករក្សាទុកនៅអធិការរដ្ឋានជាបណ្ដោះអាសន្ន៕   ឆ ដា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print