សម្តេច​តេជោ​ ៖​ ស្ថានភាពពិភពលោកសព្វថ្ងៃប្រែប្រួល​ តែពលរដ្ឋខ្មែរខិតខំប្រឹង​ប្រែងប្រកបការងារតូចឬធំក្តីធ្វេីដោយទឹកមុខសប្បាយរីករាយ

ចែករំលែក៖

ភ្នំពេញ​ ៖​ សម្តេច​តេជោ​ហ៊ុន​សែន​ នាយក​រដ្ឋមន្ត្រី​នៃ​កម្ពុជា​មានសរសេរ​នៅលេីបណ្តាញ​ទំនាក់​ ទំនង​សង្គម​ហ្វេសប៊ុក​នៅថ្ងៃពុធកុម្ភៈដូច្នេះថា​ «ខ្ញុំបានមើលពីក្នុងរថយន្ត ជាមួយនឹងសេចក្តីរំភើបរីក រាយ ដែលបានឃើញបងប្អូនប្រជាពលរដ្ឋ និងក្មួយៗខិតខំប្រឹងប្រែងប្រកបការងារ ទោះបីការងារនោះតូចឬធំក្តី គឺបងប្អូនធ្វើដោយទឹកមុខសប្បាយរីករាយ ដើម្បីជីវភាពរស់នៅកាន់តែល្អប្រសើរ» ។

សម្តេច​តេជោ​មានប្រសាសន៍​ថា​ ស្ថានភាពពិភពលោកសព្វថ្ងៃក៏មានការប្រែប្រួលដែរ គឺទន្ទឹមនឹងកម្ពុជាយើងកំពុងមានសុខសន្តិភាព និងរីកចម្រើន ប្រទេសមួយចំនួនក៏កំពុងមានសង្រ្គាមបំផ្លាញគ្រប់យ៉ាង ហើយពលរដ្ឋគ្មានឱកាសអ្វីទាំងអស់។

សម្តេច​តេជោ​បញ្ជាក់​ថា​ កម្ពុជាធ្លាប់ក្រីក្រលំបាកខ្លាំងណាស់ គឺយើងមិនវិលថយក្រោយជាដាច់ខាត។ ពេលនេះ យើងបានងើបឈរដោយខ្លួនឯងបាន ហើយត្រូវតែបន្តប្រឹងប្រែងទៅមុខទៀត ជាមួយនឹងក្តីសង្ឃឹមជឿជាក់ ដោយមិនត្រូវអោយមានអ្វីមករំខានដល់ដំណើរការអភិវឌ្ឍន៍ប្រទេសជាតិឡើយ។

ប្រទេសជាតិដែលមានសុខសន្តិភាពពេញលេញដូចសព្វថ្ងៃ គឺជាអំណោយផលដ៏ល្អសម្រាប់បងប្អូនប្រជាពលរដ្ឋ និងកូនក្មួយគ្រប់ៗរូប៕

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print