មហាសន្និបាតលើកទី៨សភាតំបន់ អាស៊ីចាប់ផ្ដើមនៅកម្ពុជា

ចែករំលែក៖

ភ្នំពេញ៖ មហាសន្និបាតលើកទី៨ របស់សភាតំបន់អាស៊ី(APA)បានដំណើរ ការទៅតាមកម្មវិធីគ្រោងទុកក្រោមការរៀបចំរបស់រដ្ឋសភាកម្ពុជាក្នុងនាមជាម្ចាស់ផ្ទះកាលពីព្រឹកថ្ងៃទី៨ ខែធ្នូ ឆ្នាំ ២០១៥ នៅសណ្ឋាគារសុខា ។

drd

លោក ងួន ញ៉ិល អនុប្រធានទី២រដ្ឋ សភានៃព្រះរាជាណាចក្រកម្ពុជាថ្លែងក្នុងកិច្ចប្រជុំក្រុមប្រឹក្សាប្រតិបត្ដិលើកទី២ នៃសម័យប្រជុំពេញអង្គលើកទី៨របស់សភាតំបន់អាស៊ីក្រោមប្រធានបទ“ការជំរុញសន្ដិភាព ការផ្សះផ្សា និងកិច្ច សន្ទនាក្នុងតំបន់អាស៊ី”ដោយសម្ដែងនូវសេចក្ដីសោមនស្សរីករាយនិងស្វាគមន៍សមាជិកសមាជិកាគណៈប្រតិភូសមា ជិកសភាAPAទាំងអស់ដែលបានឆ្លៀត ពេលដ៏មមាញឹកនិងមានតម្លៃអញ្ជើញ ចូលរួមមហាសន្និបាតលើកទី៨របស់ សភាតំបន់អាស៊ី ជាពិសេសសូមថ្លែង អំណរគុណជាអនេកចំពោះការអញ្ជើញចូលរួមកិច្ចប្រជុំក្រុមប្រឹក្សាប្រតិបត្ដិដ៏មានសារសំខាន់នាពេលនេះ ។ បន្ថែមពី នេះវត្ដមាននេះក៏ឆ្លុះបញ្ចាំងឱ្យឃើញពី ការគាំទ្រដល់សភាកម្ពុជាដែលបានទទួលកិត្ដិយសធ្វើជាម្ចាស់ផ្ទះរៀបចំមហាសន្និ បាតអេភីអេលើកទី៨ក្រោមប្រធានបទ “ការជំរុញសន្ដិភាព ការផ្សះផ្សា និងកិច្ច សន្ទនាក្នុងតំបន់អាស៊ី” ដែលជាបុរេ លក្ខណៈសម្រាប់ធ្វើសុខដុមកម្មពលរដ្ឋនិងប្រជាជាតិក្នុងតំបន់អាស៊ីទទួលបានសុខសន្ដិភាពនិងការអភិវឌ្ឍពិតប្រាកដ។

សូមបញ្ជាក់ថា កិច្ចប្រជុំក្រុមប្រឹក្សា ប្រតិបត្ដិលើកទី២នៃសម័យប្រជុំពេញ អង្គលើកទី៨របស់សភាតំបន់អាស៊ី ក្រោមប្រធានបទ “ការជំរុញសន្ដិភាព ការផ្សះផ្សានិងកិច្ចសន្ទនាក្នុងតំបន់អាស៊ី” នេះបានប្រព្រឹត្ដទៅក្រោមអធិបតីភាព លោក ងួន ញ៉ិល អនុប្រធានទី២រដ្ឋ សភាកម្ពុជា និងលោក មីយ៉ាន រ៉ាហ្សា រ៉ាបានី ប្រធានព្រឹទ្ធសភាប៉ាគីស្ថាន និង ជាប្រធានអង្គប្រជុំក្រុមប្រឹក្សាប្រតិបត្ដិសភាតំបន់អាស៊ី (APA)” លោក បណ្ឌិត ម៉ាស៊ូដ អ៊ីស្លាមី អគ្គលេខាធិការ អេភីអេស្ដីទី ព្រមទាំងមានការអញ្ជើញ ចូលរួមពីប្រធាននិងសមាជិកគណៈប្រតិភូ សភាAPAមកពីជាង២០ប្រទេសនិង ភ្ញៀវកិត្ដិយសជាតិ អន្ដរជាតិជាច្រើន នាក់ទៀត ។

លោក ឈាង វុន ប្រធានគណៈកម្ម ការកិច្ចការបរទេសសហប្រតិបត្ដិការ អន្ដរជាតិ ឃោសនាការ និងព័ត៌មាន រដ្ឋសភានិងជាប្រធានគណៈប្រតិភូសភាកម្ពុជាចូលរួមមហាសន្និបាតសភាតំបន់ អាស៊ីនៅពេលនេះបានមានប្រសាសន៍ ថា ឆ្លងកាត់បទពិសោធន៍ខ្លួនឯងផ្ទាល់ កម្ពុជានឹងចែករំលែកវប្បធម៌សន្ទនា ដល់មហាសន្និបាតសភាតំបន់អាស៊ី ពេលនេះ ។ ជាមួយគ្នានេះលោក ឈាង វុន បានលើកឡើងថា ចាប់ពីថ្ងៃទី៩ ខែធ្នូ ឆ្នាំ២០១៥នេះទៅសម្ដេចអគ្គមហាពញាចក្រី ហេង សំរិន ប្រធានរដ្ឋសភានៃព្រះ រាជាណាចក្រកម្ពុជានឹងក្លាយជាប្រធានសភាតំបន់អាស៊ី (APA)នេះ ។

លោក ងួន ញ៉ិល អនុប្រធានទី២រដ្ឋ សភាបានគូសបញ្ជាក់ថា មហាសន្និបាត សភាតំបន់អាស៊ីសំដៅទទួលបានសុខ សន្ដិភាព ស្ថិរភាព និងការដោះស្រាយ រាល់បញ្ហាប្រឈមនានាទាំងក្នុងតំបន់ និងពិភពលោកជាលក្ខណៈទ្វេភាគីឬពហុភាគីប្រកបដោយសន្ដិវិធីនិងចៀសផុតពី ការប្រើប្រាស់មធ្យោបាយយោធាដែល នឹងធ្វើឱ្យអន្ដរាយនិងវិនាសហិនហោច ដល់សង្គមនិងប្រទេសជាតិ ។

លោក ងួន ញ៉ិល មានប្រសាសន៍ បន្ដថា កម្ពុជាបានចាត់ទុកសន្ដិភាព ស្ថិរភាពនយោបាយការផ្សះផ្សាបង្រួប បង្រួមនិងកិច្ចសន្ទនាដោយសន្ដិវិធីជា កត្ដាសំខាន់ចាំបាច់និងជាបុរេលក្ខខណ្ឌ ក្នុងការកសាងនិងអភិវឌ្ឍប្រទេសនិង សង្គមជាតិមួយឱ្យមានភាពរីកចម្រើន ជឿនលឿនប្រកបដោយនិរន្ដរភាពនិង ភាពសុខដុមរមនា ។

កិច្ចប្រជុំគណៈកម្មាធិការអចិន្ដ្រៃយ៍និង កិច្ចប្រជុំគណៈកម្មការផ្សេងៗរបស់APAក្នុងរយៈពេល៣ថ្ងៃខាងមុខនេះនឹងទទួល បានការចូលរួមយ៉ាងសកម្មតាមរយៈ ការពិភាក្សាផ្លាស់ប្ដូរបទពិសោធន៍ ទស្សនៈ និងយោបល់ពីគ្នាទៅវិញទៅមកសំដៅ ធ្វើយ៉ាងណាឱ្យដំណើរការនៃមហាសន្និ បាតនេះទទួលបានជោគជ័យនិងលទ្ធផល ផ្លែផ្កាតាមការរំពឹងទុក ។

ចំណែកលោក មីអេន រ៉ាហ្សា រ៉ាបានី (Mian Raza RABBANI) ប្រធានព្រឹទ្ធ សភាប៉ាគីស្ថាននិងជាប្រធានសភាតំបន់អាស៊ីដែលនឹងចប់អាណត្ដិបានសម្ដែងក្ដីសង្ឃឹមថា មហាសន្និបាតសភាតំបន់ អាស៊ីលើកទី៨នៅពេលនេះនឹងទទួលបានការជជែកការផ្លាស់ប្ដូរយោបល់ទស្សនៈ ស្របតាមប្រធានបទគី ការជំរុញសន្ដិ ភាពការផ្សះផ្សានិងការសន្ទនាក្នុងតំបន់អាស៊ី ដើម្បីបម្រើផលប្រយោជន៍ប្រជា ជនអាស៊ីទាំងមូល ។

លោក មីអេន រ៉ាហ្សា រ៉ាបានី បាន កត់សម្គាល់ថា ប្រជាជននៅក្នុងតំបន់ អាស៊ីនៅមានជីវភាពក្រីក្រនិងនៅមានបញ្ហាជាច្រើនត្រូវដោះស្រាយដែលការ ដោះស្រាយមានប្រសិទ្ធភាពគឺចេញពី ទស្សនៈយោបល់របស់ប្រជាជនក្នុងតំបន់អាស៊ីខ្លួនឯង ។ អាស៊ីជាតំបន់ដែលមាន សក្ដានុពលដែលយើងគួររួមគ្នាដោះ ស្រាយបញ្ហាដោយមិនចាំបាច់ត្រូវពឹង ពាក់ប្រទេសផ្សេងក្រៅពីតំបន់អាស៊ី ។

លោក មីអេន រ៉ាហ្សា រ៉ាបានី ដែល កំពុងស្ថិតនៅក្នុងតួនាទីជាប្រធានAPAមុនត្រូវផ្ទេរតួនាទីនេះជូនសម្ដេចអគ្គ មហាពញាចក្រី ហេង សំរិន ប្រធានរដ្ឋ សភាកម្ពុជានៅថ្ងៃទី៩ ខែធ្នូ នោះបានស្នើ ដល់មហាសន្និបាតសភាតំបន់អាស៊ីលើក ទី៨ពេលនេះបន្ដពិភាក្សារិះរកមធ្យោបាយ ដើម្បីជំរុញAPAទៅជាAPក្នុងការដោះ ស្រាយបញ្ហាឧបសគ្គនានាដែលតំបន់ អាស៊ីនៅមានសេសសល់ ។

សូមបញ្ជាក់ថា កិច្ចប្រជុំក្រុមប្រឹក្សា ប្រតិបត្ដិរបស់សភាតំបន់អាស៊ី (APA) លើកទី២ពិភាក្សាត្រួតពិនិត្យទៅលើ សេចក្ដីព្រាងសេចក្ដីសម្រេចមួយចំនួន របស់អេភីអេ ។ កិច្ចប្រជុំនេះនឹងបន្ដធ្វើ រហូតដល់ថ្ងៃទី៩ធ្នូ ។ ចំណែកពេលព្រឹក ថ្ងៃទី៩ ខែធ្នូ ឆ្នាំ២០១៥នេះ ចាប់ពីម៉ោង ៨ព្រឹកទៅមហាសន្និបាតសភាតំបន់អាស៊ីលើកទី៨នឹងប្រារឰពីធីបើកជាផ្លូវការ ដោយមានការចូលរួមពីឥស្សរជនកំពូលៗរបស់កម្ពុជាក្នុងនោះមានសម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភានិងសម្ដេចអគ្គមហា ពញាចក្រី ហេង សំរិន ប្រធានរដ្ឋសភា ៕

drd (2)