ភ្នំពេញ៖ គិតត្រឹមព្រឹកថ្ងៃទី៨ ខែធ្នូ ឆ្នាំ២០១៥ កីឡាករជនពិការ ប៊ុង ហុង របស់កម្ពុជាដណ្ដើមបានមេដាយមាស ១គ្រឿងលើវិញ្ញាសារត់ចម្ងាយ៤០០ ម៉ែត្រប្រភេទពិការT46ក្នុងព្រឹត្ដិការណ៍ ប្រកួតកីឡាអាស៊ានប៉ារ៉ាហ្គេមលើកទី៨ នៅប្រទេសសិង្ហបុរី ។
លោក ចាន់ វិចិត្រ មន្ដ្រីព័ត៌មាន របស់គណៈកម្មាធិការជាតិប៉ារ៉ាឡាំពិក កម្ពុជាបានឱ្យដឹងថា កីឡាករ ប៊ុង ហុង ប្រភេទពិការ T46 ទទួលបានមេដាយ មាស១គ្រឿងលើវិញ្ញាសារត់ល្បឿន ចម្ងាយ៤០០ ម៉ែត្រ ។
លោកបានបន្ដទៀតថា កីឡាករ ប៊ុង ហុង គិតត្រឹមថ្ងៃទី៨ ខែធ្នូ ឆ្នាំ២០១៥ រកបានមេដាយចំនួន២គ្រឿងហើយ ក្នុង នោះ ប៊ុង ហុង ទទួលបានមេដាយសំរឹទ្ធិ ១គ្រឿងលើវិញ្ញាសារត់ចម្ងាយ១០០ ម៉ែត្រ និងមេដាយមាសរត់ចម្ងាយ ៤០០ម៉ែត្រ ។
លោកបានឱ្យដឹងទៀតថា ដោយឡែក កីឡាករ វ៉ាន វ៉ុន និង ហេង សាវឿន រង់ ចាំប្រកួតវគ្គផ្ដាច់ព្រ័ត្រនាព្រឹកថ្ងៃទី៩ ខែធ្នូ ឆ្នាំ២០១៥ បន្ទាប់ពីឆ្លងផុតវគ្គ ជម្រុះ ។
កីឡាករ វ៉ាន វ៉ុន ទើបតែទទួលបាន មេដាយសំរឹទ្ធិ១គ្រឿងលើវិញ្ញាសាជិះ រទេះ និងកីឡាការិនី ធិន សេងហុង ទទួល បានមេដាយប្រាក់ និងមេដាយសំរឹទ្ធិ៣ គ្រឿងបន្ថែមទៀតរកបានដោយកីឡាករ កីឡាការិនីហែលទឹក ។ គិតត្រឹមថ្ងៃទី៨ ខែធ្នូ ឆ្នាំ២០១៥ កម្ពុជាឈ្នះបានមេដាយ មាស១គ្រឿង មេដាយប្រាក់១គ្រឿង និង មេដាយសំរឹទ្ធិ៥គ្រឿង ស្ថិតនៅលេខរៀង ទី៩ក្នុងតារាងចំណាត់ថ្នាក់លើប្រទេស ឡាវ ។
ប្រទេសដែលដណ្ដើមបានមេដាយ ច្រើនជាងគេមានដូចជា ប្រទេសថៃ មេដាយមាស៦៤គ្រឿង មេដាយប្រាក់ ៥៩គ្រឿង និងមេដាយសំរឹទ្ធិ៧៣គ្រឿង ។ ប្រទេសឥណ្ឌូនេស៊ីដណ្ដើមបានមេដាយ មាស៦១ គ្រឿង មេដាយប្រាក់៥៣គ្រឿង និងមេដាយសំរឹទ្ធិ៥៣គ្រឿង ។ ប្រទេស វៀតណាមដណ្ដើមបានមេដាយមាស ៣៩គ្រឿង មេដាយប្រាក់៤៨គ្រឿង និង មេដាយសំរឹទ្ធិ៣៩គ្រឿង ។ ប្រទេស ម៉ាឡេស៊ីដណ្ដើមបានមេដាយមាស៣៩គ្រឿង មេដាយប្រាក់៤៣គ្រឿង និង មេដាយសំរឹទ្ធិ៣៣គ្រឿង ។ ម្ចាស់ផ្ទះ សិង្ហបុរីដណ្ដើមបានមេដាយមាស២០ គ្រឿង មេដាយប្រាក់១១គ្រឿង និង មេដាយសំរឹទ្ធិ១៤គ្រឿង ។ ប្រទេស មីយ៉ាន់ម៉ាដណ្ដើមបានមេដាយមាស ១៣គ្រឿង មេដាយប្រាក់១២គ្រឿង និង មេដាយសំរឹទ្ធិ២៥គ្រឿង ។ ប្រទេស ហ្វីលីពីនដណ្ដើមបានមេដាយមាស៩ គ្រឿង មេដាយប្រាក់១១គ្រឿង និង មេដាយសំរឹទ្ធិ២០គ្រឿង ។ ប្រទេសប្រ៊ុយ ណេដណ្ដើមបានមេដាយមាស៣គ្រឿង មេដាយប្រាក់៣គ្រឿង និងមេដាយសំរឹទ្ធិ ៤គ្រឿង ។ ប្រទេសកម្ពុជាដណ្ដើម បានមេដាយមាស១គ្រឿង មេដាយ ប្រាក់១គ្រឿង និងមេដាយសំរឹទ្ធិ៥គ្រឿង និងប្រទេសឡាវដណ្ដើមមេដាយបាន មាសសូន្យមេដាយប្រាក់១គ្រឿងនិង មេដាយសំរឹទ្ធិ៣គ្រឿង ៕
ដោយ៖ សារីម
