ភ្នំពេញ ៖ អនុរក្សពន្ធនាគារព្រៃស នៅថ្ងៃទី១៥ ខែកុម្ភៈ នេះ បញ្ជូនលោក យិន ហេង ហៅចំបុីខ្មៅ ជាបុរសភេទទី៣ មកតុលាការ ដើម្បីធ្វើការសាកសួរបន្ថែម ។
មហាជន កត់សម្គាល់ឃេីញថា ចំបុីខ្មៅ ហាក់មានទឹកមុខមិនល្អសោះ គឺ ស្គមស្គាំង មុខខ្មៅខ្លាំង និង ដូចស្រកសាច់ច្រើន ។
សូមបញ្ជាក់ថា បុរសភេទទី៣ យិន ហេង ហៅចំប៊ីខ្មៅ ដែល ប្រមាថជាតិសាសន៍ ខ្មែរដោយសារខឹងគេជិះម៉ូតូមកខោកក្បាល ត្រូវបាន លោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ សម្រេចកាលពីល្ងាចថ្ងៃទី៦ ខែកុម្ភៈ កន្លងទៅ ឃុំខ្លួនបណ្ដោះអាសន្នក្នុងពន្ធនាគារព្រៃស ។
លោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ ថ្លែងថា យិន ហេង ត្រូវបានចោទប្រកាន់ពីបទ ”ញុះញង់ឱ្យមានការរេីសអេីង ”តាមមាត្រា៤៩៤និង៤៩៦នៃក្រមព្រហ្មទណ្ឌ ។
បទល្មើសនេះ កំណត់ការផ្តន្ទាទោសដាក់ពន្ធនាគារពី១ឆ្នាំទៅ៣ឆ្នាំ និងពិន័យជាប្រាក់ ពី២លានរៀល ទៅ៦លានរៀល ។
ចំប៊ី ខ្មៅ ត្រូវបានសមត្ថកិច្ចចម្រុះ ចាប់ខ្លួនកាលពី យប់ថ្ងៃ ទី៥ ខែកុម្ភៈ ក្នុងខណ្ឌ ដូនពេញ បន្ទាប់ពីផ្ទុះប្រតិកម្មយ៉ាងខ្លាំងក្លាពីមហាជន អំពីការប្រមាថពូជខ្មែរថា ជាពូជតិរច្ឆាន និង ពាក្យអសុរសជាច្រើនទៀត ។
ចូលរួមថែរក្សា ពូជសាសន៍យេីង ដោយផ្តេីមពីយេីង ទាំងអស់កុំបំផ្លាញជាតិសាសន៍ ឯងដោយសម្តី និងសកម្មភាពផ្សេងៗ ៕ចេស្តា
