ថមថយកម្តៅ រឿងអតីតប្រពន្ធថៅកែផលិតកម្មបើកសារវាយប្រហា សាឡាត់ ស្រីឡាង

ចែករំលែក៖

ភ្នំពេញ៖ ដំណឹងស្នេហ៍ត្រីកោណរវាងតារាសម្តែង សាឡាត់ ស្រីឡាង ភរិយាដើម និងថៅកែផលិតកម្ម បានធ្វើឲ្យមានការចាប់អារម្មណ៍ ខ្លាំងពីមហាជន។ ទោះជាយ៉ាងណាកម្តៅរឿងរ៉ាវស្នេហាត្រីកោណនេះចាប់ផ្តើមបន្ថយកម្ពៅមកវិញជាបណ្តើរៗហើយ។
ម្ចាស់គណនីយហ្វេសប៊ុក ​ឈ្មោះ Panhchaka June ​ដែលគេស្គាល់ថាជាគណនីយរបស់អតីតភរិយាផលិតកម្ម LD Picture banបានបន្តបង្ហោះសារ​ចោទប្រកាន់ថា​ តារា​សម្ដែង ​សាឡាត់ ស្រី​ឡាង ​មាន​ស្នេហា​លួច​លាក់​នឹង​លោក លៀក លីដា ​​ដែល​ជាអតីត​ប្តី​របស់​ខ្លួន។ ក្រោយបង្ហោះសារដោយបញ្ចេញឈ្មោះចំៗបានធ្វើឲ្យមានការភ្ញាក់ផ្អើលខ្លាំង ដែលក្រោយមក តារា​សម្តែងសាឡាត់ ស្រីឡាង​បាន​ដាក់​ពាក្យ​បណ្តឹង ​និង​ទារ​សង​ជំ​ងឺ​ចិត្ត​ពី​ស្រ្តី​រូប​នេះ ​ចំនួន​១០​ម៉ឺន​ដុល្លារ។កញ្ញា សាឡាត់ ស្រី​ឡាង​ បាន​សរសេរ​ថា ៖ “តាម​ពិត​បើ​តាម​ចរិត​របស់​ខ្ញុំ គឺ​ខ្ញុំ​ត្រូវ​តប​ត​តាំង​ពី​ដំបូង​ម្ល៉េះ។ តែ​ក្រោយ​ពី​ពិភាក្សា​គ្នា​ជាមួយ​បង​គឹម​សួរ ធ្វើ​ឲ្យ​ខ្ញុំ​គិត​យល់​ថា ការ​តប​ត​មិន​មែន​ជា​ដំណោះ​ស្រាយ​មួយ​ដ៏​ល្អ​ទេ ដោយ​សារ​តែ​អ្នក​ដែល​ចូល​រួម​វិភាគ​និង​កាត់​ក្ដី​ទាំង​នោះ​មិន​មែន​ជា​តុលាការ​ដ៏​សុ​ក្រឹត​នោះ​ទេ តែ​វា​ប្រៀប​ដូច​ជា​យក​កេរ្តិ៍ខ្មាស់​របស់​ខ្លួន​ឯង​មក​ដាក់​តាំង​បង្ហាញ​ជា​សាធារណៈ​ដើម្បី​ឲ្យ​ប្រជាជន​បាន​ឃើញ​តែ​ប៉ុណ្ណោះ។ ដូច​នេះ​ខ្ញុំ​សូម​ពឹង​ផ្អែក​លើ​ផ្នែក​ច្បាប់​ដើម្បី​ជួយ​រក​ដំណោះ​ស្រាយ​មួយ​ដ៏​ល្អ​សម្រាប់​ពួក​យើង។ ខ្ញុំ​នឹង​ពិចារណា​ដក​ពាក្យ​បណ្ដឹង​នេះ​វិញ​នៅ​ពេល​ដែល​បង​ឈប់​បន្ត​បំភ្លៃ​បរិហារ​កេរ្តិ៍​ខ្ញុំ​ដោយ​មិន​មាន​ភស្តុតាង​ជាក់​លាក់​បែប​នេះ​ទៀត។ នេះ​មិន​មែន​ជា​ការ​ព្រមាន​ទេ តែ​វា​ជា​វិធី​ដ៏​ល្អ​មួយ​ដើម្បី​រក​ផ្លូវ​ចេញ​មួយ​ដ៏​សន្តិវិធី។ ភ្លើង​កំពុង​តែ​ឆាប​ឆេះ សូម​ឈប់​បន្ត​ចាក់​សាំង​លើ​ភ្លើង​ទៀត​ទៅ ។សូម​ឈប់​បន្ត​រំខាន​ជីវិត​រស់​នៅ និង​ជីវិត​សិល្ប​របស់​ខ្ញុំ​ត​ទៀត​ទៅ”។ លើស​​ពី​នេះ ​កញ្ញា សាឡាត់ ​ស្រី​ឡាង ​ទាម​ទារ​ឲ្យ​ស្រ្តី​ដដែល​ខាង​លើ​ លុប​រាល់​ការ​ផុស​ទាំង​ឡាយ​ណា​ដែល​បាន​ប៉ះ​ពាល់​កិត្តិយស និង​សេចក្តី​ថ្លៃ​ថ្នូរ​របស់​ស្រី​ឡាង ព្រម​ទាំង​ធ្វើ​ការ​សុំ​ទោស​ជា​សាធារណៈ​ផង​ដែរ។
​មិនស្ងប់ស្ងាត់ នឹងការគំរាមប្តឹងឡើងតុលាការ នោះទេថែមទាំងបន្ថែមកម្តៅឲ្យរឿងរ៉ាវនេះកាន់តែពុះកញ្ជ្រោលជាមួយនឹងការទម្លាយរូបថត និងរឿងវ៉ាវមួយចំនួននៅពីក្រោយ។ អតីតភរិយាកល៏បានបញ្ចេញសារហួសចិត្តនឹងរឿងនេះដោយនាងលើកឡើងថាយកទាំងលុយឡាន ផ្ទះយកទាំងប្តីពី នាងហើយពេលនេះចង់ប្តឹងទារនាង១០ម៉ឺនដុល្លារអាមេរិកទៀត ឬចង់ឲ្យរឿងសាហាយស្មន់ ត្រូវបានគេចងចាំមិនភ្លេចច? អតីតភរិយាថែមទាំងបញ្ជាក់ទៀតថានាងសុខចិត្តធ្វើការផ្សាយបន្តផ្ទាល់នូវរូបភាពធ្វើអត្តឃាតដោយចងក សម្លាប់ខ្លួនប្រសិនបើនាងត្រូវបានគេកាត់ក្តីឲ្យចាញ់ សាឡាត់ ស្រីឡាង លើបណ្តឹងមួយនេះ។
ងាកទៅចាប់អារម្មណ៍លោកលោក លៀក លីដា វិញ មិនបានបញ្ចេញសារប្រតិកម្មខ្លាំងទៅកាន់អតីតភរិយានោះទេ ។ លោកគ្រាន់តែបញ្ចេញសារ ជាមួយនឹងរូបថតកូនស្រីមួយសន្លឹកថា“ក្រោមក្រសែភ្នែកមហាជន​ ដែលមើលមកឪពុកម្នាក់កំពុងតែដឹកដៃកូនស្រីដើទិញសម្លៀកបំពាក់សាលាដើម្បីអោយនាងសប្បាយចិត្ត​ ដែលក្រសែភ្នែកពួកគាត់ហាក់បានវិនិច្ឆ័យថាឪពុកម្នាក់នោះជាមនុស្សអាក្រក់​ ទាំងពួកគាត់មិនដឹងរឿងច្បាស់រឺក៏ប្រើពេលដើម្បីត្រិះរិះពិចារណាអោយបានត្រឹមត្រូវ​ មានអ្នកខ្លះនិយាយដាក់នាងថា​កុំអោយខូចដូចឪ។ លោកបន្តថា ទោះបីក្នុងពេលនេះនាងនៅតូចមិនទាន់យល់ពីបញ្ហាបច្ចុប្បន្ននេះក្តី តែក្នុងនាមលោកជាឪពុកម្នាក់ ហាក់មានការឈឺចាប់ព្រោះតែ ដឹកដៃកូនស្រីក្នុងបរិយាកាស មិនល្អនាពេលនេះ។ ថ្វីថ្បិតចំណងជាគូបានបែកបាក់ហើយក្លាយជាអតីត តែឋានៈ និង សិទ្ធិជាឪពុកម្តាយកូនយើងមានជានិរន្តន៍ ដូច្នេះយើងនៅមានកាតព្វកិច្ចរួមគឺ ផ្តល់អនាគតដ៏ល្អដល់កូន​។ តែយ៉ាងណាក៏អគុណដល់ម្តាយកូនដែលព្រមបញ្ចប់រឿងនេះដើម្បីកូន​”៕ ប្រាថ្នា

   

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print