ភ្នំពេញ​៖​សម្តេច​តេជោ​ហ៊ុន​ សែន​ នាយករដ្ឋមន្ត្រី​នៃ​កម្ពុជា​ កោតសរសើរ​ក្រុមកីឡាបាល់ទាត់ជម្រើសជាតិយុវជនអាយុក្រោម២២ឆ្នាំកម្ពុជា កាលពី​យប់​ថ្ងៃ​ទី​២០​ ខែ​កុម្ភៈ​ បាន​យក​ឈ្នះ​ក្រុម U22 នៃប្រទេសមីយ៉ាន់ម៉ា​ ក្នុង​លទ្ធផល​ 2-0​ ក្នុងព្រឹត្តិការណ៍ពានរង្វាន់អាស៊ីអាគ្នេយ៍ AFF U22 Championship 2019​ ។

នាយករដ្ឋមន្ត្រី​នៃ​កម្ពុជា​ ក៏​បាន​អរគុណបងប្អូនប្រជាពលរដ្ឋដែលគាំទ្រវិស័យកីឡា ជាពិសេសក្មួយៗដែលបានចូលរួមទស្សនាផ្ទាល់នៅពហុកីឡាដ្ឋាន និងតាមទូរទស្សន៍។ សូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យថ្មីៗជាបន្តបន្ទាប់ទៀត៕

ដោយ៖ ចេស្តា