ភ្នំពេញ ៖ បុរសម្នាក់បើករថយន្តមួយគ្រឿងយកមកទុកនៅក្នុងប្លុកវិហ៊ាចាមរួចដើរទៅហូបបាយត្រូវឆ្លងចរន្តប្រព័ន្ធភ្លើងឆាបឆេះបង្កការភ្ញាក់ផ្អើល។
ហេតុការណ៍នេះបានកើតឡើងកាលពីវេលាម៉ោង ៩និង៤៥នាទីស្ថិតនៅក្នុងប្លុកវិហ៊ារចាមសង្កាត់ស្រះចចខណ្ឌដូនពេញ។
តាមប្រភពពត័មាននៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសវ័យចំណាស់ម្នាក់បើករថយន្តមួយគ្រឿងម៉ាក ទួរីសព៌ត៍ទឹកប៊ិចចាស់ពាក់ស្លាកលេខកំពង់ចាម2A-3684ដឹកកូនក្មួយមកពីស្ទឹងត្រែងដើម្បីចាក់ថ្នាំបង្កាជំងឺតេតាណូសរួចយកមកចតទុកនៅក្នងមុខវិហ៊ារចាម រួចដើរទៅរកបាយហូបស្រាប់តែឆ្លងចរន្តខ្សែភ្លើងឆាបឆេះបង្កការភ្ញាក់ផ្អើលដល់អ្នកនៅក្បែរកន្លែងកើតហេតុទាញទុយយោបាញ់ទឹកពន្លត់ និងសមត្ថកិច្ចយកម៉ូតូកង់បីរបស់សាលាខណ្ឌដូនពេញចំនួន២គ្រឿងមកជួយបាញ់ពន្លត់បានទាន់ពេលវេលាផងដែរ។
ប្រភពបន្តថា ករណីភ្លើងឆេះរថយន្តនេះមិនបណ្តាលអោយរាលដាលដល់ផ្ទះប្រជាពលរដ្ឋឬមានរងគ្រោះថ្នាក់ដល់អ្នកដទៃឡើយ ហើយត្រូវបានរលត់ទៅវិញក្រោយពីកម្លាំសណ្តាប់ធ្នាប់របស់សាលាខណ្ឌដូនពេញយករ៉ឺម៉ក​កង់បីដឹកជួយបាញ់ពន្លត់បានទាន់ពេល និងរលត់ទៅវិញនៅម៉ោង១០និង១៥នាទីថ្ងៃដដែលផងដែរ៕ធឿនព្រែកជ័យ