ខេត្ដត្បូងឃ្មុំ៖ ក្នុងទឹកដីភូមិសាស្ដ្រ ខេត្ដត្បូងឃ្មុំបានក្លាយទៅជាតំបន់ប្រភព នៃបទល្មើសឈើឆ្លងកាត់ និងដឹកជញ្ជូន ទៅប្រទេសវៀតណាមយ៉ាងអនាធិប តេយ្យ ។ ករណីបង្ក្រាបកាន់តែខ្លាំង សកម្ម ភាពដឹកជញ្ជូនឈើទាំងរថយន្ដតូច រថ យន្ដធំកាន់តែសម្រុក និងប្រមូលផ្ដំដោយ សមត្ថកិច្ចជាច្រើនស្ថាប័ន ដើម្បីទាញ យកលាភសក្ការពីក្រុមឈ្មួញល្មើសច្បាប់ ទាំងនោះ ។
លោក នី វីរៈ នាយខណ្ឌរដ្ឋបាលព្រៃ ឈើខេត្ដត្បូងឃ្មុំ ត្រូវបានគេចាត់ទុកថា អាចជាមេក្លោងផ្ដើមឱ្យមានបទល្មើស ដឹកជញ្ជូនឈើឆ្លងកាត់ គ្រាន់តែជ្រក ក្រោមអាជ្ញាប័ណ្ណស្របច្បាប់បន្ដិចបន្ដួច រួចហើយក្រុមឈ្មួញបានដឹកជញ្ជូនឈើ ដោយរថយន្ដយីឌុបស្ទើរបំផ្លាញផ្លូវ និង រថយន្ដធុនតូចបន្ដកន្ទុយគ្នាដូចហែកឋិន ។
ទីតាំងកុងត្រូលជជុះរបស់លោកនី វីរៈ យ៉ាងតិចចំនួន២បាននឹងកំពុងដំណើរការ រាប់ក្បាលរថយន្ដយកប្រាក់ និងមួយចំនួន ធំទៀតត្រូវបានដាក់ខែ ។ ក្នុងនោះដូចជា ទីតាំងនៅចំណុចផ្លូវបំបែកក្រែកទៅច្រក ត្រញំងថ្លុង និងមួយកន្លែងទៀតមុខវត្ដស្អំ សម្រាប់សកម្មភាពប្រមូលលុយ សុទ្ធតែ ជាទង្វើល្មើសច្បាប់ ។ ប៉ុន្ដែពួកគេអាច មានឱកាសទាញយកប្រយោជន៍ពីបទ ល្មើសទាំងនោះ ទន្ទឹមនឹងបានគិតគូររាល់ ប្រភពសេដ្ឋកិច្ចដែលប្រមូលបាន យក ទៅបំពេញតម្រូវការថ្នាក់លើ ។
ដោយឡែកក្រុមនគរបាលប្រឆាំងបទ ល្មើសសេដ្ឋកិច្ចខេត្ដត្បូងឃ្មុំបានដាក់កុង ត្រូលជជុះនៅចំណុចព្រំប្រទល់ស្រុកមេមត់ និងស្រុកត្បូងឃ្មុំ រវាងខេត្ដត្បូងឃ្មុំ និង ខេត្ដក្រចេះ ដាក់រថយន្ដជាច្រើនគ្រឿង សម្រាប់ប្រដេញ ប្រសិនបើឈ្មួញដឹកឈើ មិនព្រមចូលបង់លុយ និងលើកលែងតែ ក្រុមហ៊ុនរបស់ឧកញ៉ាៗ ដែលបង់ប្រាក់ ពួកគេគ្រាន់តែរាប់ក្បាលរថយន្ដដើម្បី ទូទាត់ជាក្រោយប៉ុណ្ណោះ ។
ពាក់ព័ន្ធករណីនេះ នគរវត្ដមិនអាច ទាក់ទងបានទេពីលោកឧត្ដមសេនីយ៍ត្រី ម៉ៅ ពៅ ស្នងការនគរបាលខេត្ដត្បូងឃ្មុំ នៅព្រឹកថ្ងៃទី១០ ខែធ្នូ ឆ្នាំ២០១៥ ដោយ ទូរស័ព្ទត្រូវបានបិទ ។
ដោយឡែកលោក នី វីរៈ នាយខណ្ឌ រដ្ឋបាលព្រៃឈើខេត្ដត្បូងឃ្មុំក៏មិនអាច ទាក់ទងបានដែរ នៅព្រឹកថ្ងៃទី១០ ខែធ្នូ នេះ ដោយទូរស័ព្ទចូលឮថា អ្នកកាសែត ក៏បានចុចបិទយ៉ាងប្រញាប់ប្រញាល់ ។
យ៉ាងតិចមានច្រកចំនួន៥ ក្នុងខេត្ដ ត្បូងឃ្មុំដែលជាប់ពាក់ព័ន្ធការបើកទូលាយ ឱ្យឈើល្មើសច្បាប់ឆ្លងកាត់ទៅប្រទេស វៀតណាម ។ ក្នុងនោះរួមមានច្រកដូង ៧ដើម , ច្រកទន្លេចាម ,ច្រកចន្ទមូល, ច្រកកោះថ្មី ,ច្រកដូនរ័ត្ន ជាដើម ។ មេ ច្រកទាំង៥រួមទាំងនាយខណ្ឌរដ្ឋបាលព្រៃ ឈើខេត្ដត្បូងឃ្មុំ លោក នី វីរៈ ត្រូវបាន ស្ថិតនៅក្រោមការចាត់តាំង និងផ្ដល់ សេដ្ឋកិច្ចពីមេឈ្មួញធំៗ ដែលនាំឈើទៅ ប្រទេសវៀតណាម ។
ឈ្មួញខ្លះទម្លាយថា ទាំងសមត្ថកិច្ច ទាំងជំនាញរដ្ឋបាលព្រៃឈើ ពិតជាដឹងថា ខ្លួនកំពុងតែប្រប្រព្រឹត្ដល្មើសច្បាប់ ទទួល ផលពីអំពើល្មើសច្បាប់ ។ ប៉ុន្ដែដើម្បី ប្រយោជន៍ និងដើម្បីសម្របសម្រួលការ ងារ សុខចិត្ដទទួលខុសផង និងទទួល ប្រយោជន៍ផង ធ្វើម្ដេចបើកាលៈទេសៈ នេះឈ្មួញមានអំណាច មានលុយ អាច ទិញទឹកចិត្ដថ្នាក់លើបានទៅហើយនោះ ។
ច្រកដូនរ័ត្ន និងច្រកចន្ទមូល ឋិត ក្រោមការគ្រប់គ្រងរបស់នគរបាលអង្គ ភាពវរការពារព្រំដែនលេខ៦១៥លោក ចាន់ សារឹម ហើយច្រកទន្លេចាមឋិត ក្រោមការគ្រប់គ្រងរបស់លោកប្រាក់ សំអឿន ដែលត្រូវជាបងប្អូនជីដូនមួយ លោក ប្រាជ្ញ ចន្ទ អភិបាលនៃគណៈអភិ បាលខេត្ដត្បូងឃ្មុំ ។
ប្រជាពលរដ្ឋរួមទាំងអាជ្ញាធរផងដែរ បាននិយាយថា អ្នករកស៊ីឈើភាគច្រើន ដឹកជញ្ជូនចេញពីខេត្ដរតនគិរី,ស្ទឹងត្រែង, មណ្ឌលគិរី ,ក្រចេះ និងមួយចំនួនទៀត តាមរថយន្ដតូចទំនើបៗពីខេត្ដសៀមរាប ,ព្រះវិហារ,ឧត្ដរមានជ័យ និងខេត្ដកំពង់ធំ ឆ្ពោះតាមផ្លូវជាតិលេខ៨ឆ្លងកាត់ខេត្ដ ត្បូងឃ្មុំបន្ដទៅប្រទេសវៀតណាម ដោយ រលូនក្រោមក្រសែភ្នែករបស់លោក នី វីរៈ នាយខណ្ឌរដ្ឋបាលព្រៃឈើខេត្ដត្បូងឃ្មុំ ។ សមត្ថកិច្ចខ្លះទៀតនិយាយដោយការចម្អក ថា ថ្នាក់លើផ្ដល់តំណែងឱ្យលោកនី វិរៈ អតីតដែលជានាយផ្នែករងត្រើយឆ្វេង ហើយទទួលតំណែងជានាយខណ្ឌរដ្ឋបាល ព្រៃឈើខេត្ដត្បូងឃ្មុំ អាចដោយសារបុគ្គល រូបនេះមានទេពកោសល្យក្នុងការប្រមូល ប្រភទសេដ្ឋកិច្ចពីបទល្មើសព្រៃឈើឆ្លង កាត់ ។
បច្ចុប្បន្នលោក នី វីរៈ នាយខណ្ឌរដ្ឋ បាលព្រៃឈើខេត្ដ រួមទាំងនគរបាលសេដ្ឋ កិច្ចខេត្ដពុំបានព្រួយបារម្ភពីសកម្មភាព ប្រមូលលុយពីបទល្មើសទាំងនេះទេ ដោយ សារមានជំនឿ និងទុកចិត្ដទៅលើមេឈ្មួញ ឈើធំៗទាំងនោះ ជាអ្នកចេញមុខអន្ដរា គមន៍ ។ ដូច្នេះសមត្ថកិច្ចតាមច្រក នគរ បាលសេដ្ឋកិច្ចខេត្ដ ជំនាញរដ្ឋបាលព្រៃ ឈើត្រូវពឹងផ្អែកលើឈ្មួញជាអ្នកបន្ដក់ និងការពាររាល់សកម្មភាពល្មើសច្បាប់ ដែលកំពុងកើតមានយ៉ាងអនាធិបតេយ្យ នេះ ។
លោកទេសរដ្ឋមន្ដ្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ កាលពីថ្ងៃទី៩ ខែធ្នូ ឆ្នាំ២០១៥ នៅក្នុង កម្មវិធីអបអរសាទរទិវាជាតិ និងអន្ដរ ជាតិប្រយុទ្ធប្រឆាំងអំពើពុករលួយនៅ សាលមហោស្រពកោះពេជ្រ បានថ្លែង ថា “នឹងបំបាត់កុងត្រូលជជុះមិនប្រក្រតី ក្នុងនោះសំដៅទៅបញ្ហាដុះក្អែរដល់មន្ដ្រី ធ្វើអត្ដសញ្ញាណបណ្ណ ,នគរបាលចរាចរ កុងត្រូលជជុះ និងភាពអសកម្មផ្សេងៗ ទៀតនៅក្នុងពេលបំពេញការងារ ។ លោក រដ្ឋមន្ដ្រីបានបញ្ជាក់ថា ការបោសសម្អាត នេះនឹងត្រូវធ្វើឡើងនៅឆ្នាំ២០១៦ខាងមុខនេះផងដែរ ៕
ដោយ៖ សុខ ខេមរា
