ខេត្តកំពត : ក្មេងស្រីជាសិស្សសាលាម្នាក់បានស្លាប់ដោយជំងឺគាំងបេះដូងពេលបញ្ជូនទៅសង្រ្គោះនៅមន្ទីរពេទ្យ នៅវិទ្យាល័យដងទង់ នៅភូមិធំថ្មី ឃុំដងទង់ ស្រុកដងទង់ ខេត្តកំពត បង្កការភ្ញាក់ផ្អើលកាលវេលាម៉ោង ៣និង ១០នាទី រសៀល ថ្ងៃពុធ៨ កើត ខែ ផល្គុន ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៣ ខែមីនា ឆ្នាំ ២០១៩ ខណៈមករៀនដូចថ្ងៃធម្មតា។
មន្រ្តីនគរបាលស្រុកដងទងបានឲ្យដឹងថា ក្មេងស្រីរងគ្រោះមានឈ្មោះទូច ស្រីណា អាយុ១៥ឆ្នាំ នៅភូមិ ត្រពាំងវែងខាងកើត ឃុំដងទង់ ស្រុកដងទង់ ខេត្តកំពត ជាសិស្សរៀន ថ្នាក់ទី8Cនៃវិទ្យាល័យដងទង់ ស្ថិតនៅភូមិធំថ្មីឃុំដងទង់ ស្រុកដងទង់ ខេត្តកំពត។
សាក្សីជាសិស្សសាលា បានឲ្យដឹងថា មុនពេលកើតហេតុនៅពេលក្មេងស្រីរងគ្រោះ មករៀននៅសាលាខាងលើដូចថ្ងៃធម្មតា។ លុះមកដល់វេលា ម៉ោង៣និង១០ទីរសៀល ពេលសម្រាក សិស្សសាលានាំគ្នាចេញលេងស្រាប់តែឃើញសិស្សឈ្មោះ ទូច ស្រីណាគាំងបេះដូងសន្លប់ហើយ ភ្លាមៗនោះសិស្ស និងគ្រូបានបញ្ជូនក្មេងស្រីរូបនេះមកមន្ទីពេទ្យបង្អែកស្រុកដងទង់ ដើម្បីពិនិត្យ ប៉ុន្តែក្រោយពេលពេទ្យពិនិត្យមើលរួចគ្រូពេទ្យបានប្រាប់ថាក្មេងស្រីនោះ បាន ស្លាប់បាត់ហើយដោយពិនិត្យឃើញថា ជនរងគ្រោះស្លាប់ដោយសារជំងឺ គាំងបេះដូងរួចក៏បញ្ជូនសពឲ្យក្រុមគ្រួសារធ្វើបុណ្យតាមប្រពៃណី ៕
