ឃាត់ខ្លួនជនជាតិថៃ២នាក់ ពាក់ពន្ធ័ករណីបំផ្ទុះថ្មបណ្តាលឲ្យស្លាប់មនុស្សនៅស្រុកត្បូងឃ្មុំ

ចែករំលែក៖

ខេត្តត្បូងឃ្មុំ៖ កម្លាំងជំនាញអធិការដ្ឋាននគរបាលស្រុកត្បូងឃ្មុំសហការជាមួុយកម្លាំងជំនាញ នៃស្នងការនគរបាលខេត្តត្បូងឃ្មុំ ដោយមានការសម្របសម្រួលពីលោក ប៉ុក តារា ព្រះរាជអាជ្ញារងអមសាលាដំបូងខេត្តត្បូងឃ្មុំ បានចុះទៅកន្លែងកើតហេតុ ធ្វើការស្រាវជ្រាវពិនិត្យនិងឈានដល់ឃាត់ខ្លួុនមនុស្សចំនួន០២នាក់ ជាជនជាតិថៃ ពាក់ព័ន្ធនឹងខួងរណ្ដៅថ្មនិងបំផ្ទុះធ្វេីអោយ ដុំថ្មផ្លោងចំក្បាលមនុស្សស្លាប់ ។

ជនសង្ស័យជាជនជាតិថៃ២នាក់ ត្រូវបាននគរបាលឃាត់ខ្លួននៅថ្ងៃទី១៦ ខែមីនា ឆ្នាំ២០១៩នេះ ក្រោយពីមានករណីបំផ្ទុះថ្មបណ្ដាលឲ្យស្លាប់មនុស្សម្នាក់ នៅត្រង់ចំណុចការដ្ឋានម៉ាសុីនកិនថ្មសំភារ:សំណង់ របស់ក្រុមហ៊ុន ឆៃណារ៉ូតអ៊ែនប៊្រីតខុមប្រេសិន (ChinaRoad andBride Cita tion) ស្ថិតនៅភូមិអណ្តូងល្វេ ឃុំជប់ ស្រុកត្បូងឃ្មុំ កាលពីថ្ងៃទី១៥ ខែមិនា ឆ្នាំ២០១៩។

នគរបាលអោយដឹងថា ការចុះឃាត់ខ្លួនជនទាំង ពីរនាក់នេះធ្វេីឡេីងដោយមានការសម្រប សម្រួលពីលោក ប៉ុក តារា ព្រះរាជអាជ្ញារងអមសាលាដំបូងខេត្តត្បូងឃ្មុំ។