ភ្នំពេញ ៖បុរសម្នាក់បានស្លាប់ខណៈដើរឆ្លងផ្លូវត្រូវរថយន្តមួយគ្រឿងមិនចាំម៉ាកបើកបុកនិងកិនស្លាប់យ៉ាងអណោចអធម៌កាលពីថ្ងៃចន្ទ័១៣កើតខែផល្គុន ឆ្នាំចព.ស២៥៦២ ត្រូវនឹងថ្ងៃទី១៨ខែមិនាឆ្នាំ២០១៩ វេលាម៉ោង ៣ និង ១០នាទីទៀបភ្លឺត្រង់ចំណុចមុខឃ្លាំងប្រេងសូគីមុិចលើផ្លូវជាតិលេខ៥ភូមិពោធិ៍មង្គល សង្កាត់ព្រែកព្នៅខណ្ឌព្រែកព្នៅ រាជធានីភ្នំពេញ។
តាមសមត្ថកិច្ចបានប្រាប់អោយដឹងថា មានរថយន្តមិនចាំម៉ាក ( គេចខ្លួនពីកន្លែងកើតហេតុ ) ធ្វើដំណើរលើផ្លូវជាតិលេខ៥ ក្នុងទិសដៅពីជើងទៅត្បូងអ្នកបើកបរមិនត្រូវបានស្គាល់អត្តសញ្ញាណលុះមកដល់កន្លែងកើតហេតុបានបុកអ្នកដើរថ្មើរជើងឆ្លងផ្លូវក្នុងទិសដៅកើតទៅលិច ជនរងគ្រោះត្រូវបានសមត្ថកិច្ចប្រាប់ថាជាជនវិកលចរឹកមិនស្គាល់អត្តសញ្ញាណភេទប្រុស(ស្លាប់)នៅកន្លែងកើតហេតុ ។
ក្រោយពេលកើតហេតុ សពត្រូវបានកម្លាំងសមត្ថកិច្ចចរាចរណ៍ខណ្ឌព្រែកព្នៅយកទៅបូជានៅវត្តព្រែកព្នៅព្រោះជា (ជនអនាថា) ៕ ធឿនព្រែកជ័យ
