ប៉ុន្តែថ្ងៃចុងក្រោយនេះ អ្នកធ្វើដំណើរតាមយន្តហោះមានក្តីបារម្ភយ៉ាងខ្លាំង ក្រោយពេលយន្តហោះដឹកអ្នកដំណើរជួបគ្រោះថ្នាក់ ជួបបញ្ហាគ្រឿងម៉ាស៊ីនជាបន្តបន្ទាប់ ។ ក្រោយគ្រោះថ្នាក់ សម្លាប់មនុស្សដល់ទៅ១៥៧នាក់ របស់ក្រុមហ៊ុន អាកាសចរណ៍ Ethiopian Airlines ។
ក្រោយគ្រោះថ្នាក់ យន្តហោះ Ethiopian នៅមានបញ្ហាគ្រឿងម៉ាស៊ីនបង្ខំឲ្យយន្តហោះត្រូវចុះចតជាបន្ទាន់ ។ ជាក់ស្តែងនៅក្នុងប្រទេស រុស្ស៊ីមានយន្តហោះដឹកអ្នកដំណើរពីរគ្រឿង ត្រូវចុះចតជាបន្ទាន់ ។
នៅពេលនេះ យន្តហោះដឹកអ្នកដំណើរ ១០០នាក់របស់ក្រុមហ៊ុនអាកាសចរណ៍អ៊ីរ៉ង់ ឆាប់ឆេះពេលចុះចតជាបន្ទាន់ ធ្វើឲ្យអ្នកដំណើរភ័យស្លនស្លោយ៉ាងខ្លាំង ។
កម្លាំងជួយសង្គ្រោះបានដុតដៃដុតជើងពន្លត់អគ្គិភ័យឆាប់ឆេះយន្តហោះ ចំណែកអ្នកដំណើរ «១០០នាក់នៅខាងក្នុងយន្តហោះនៅឡើយ ។ ការឆាបឆេះកើតឡើងនៅលើផ្លូវពេលចុះចតបន្ទាន់ ក្នុងអាកាសយានដ្ឋានអន្តរជាតិ Mehrabad ក្នុងរដ្ឋធានីតេអ៊ីរ៉ង់» ។
ហេតុការណ៍ខាងលើកើតឡើង នៅវេលាម៉ោង២១ ថ្ងៃទី១៩ ខែមីនា (ម៉ោងក្នុងតំបន់) ។ យន្តហោះខាងលើជារបស់ក្រុមហ៊នអាកាសចរណ៍ Iran Air ដែលហោះហើរចេញពីអាកាសយានដ្ឋាននៅលើកោះ Kish ទៅកាន់រដ្ឋធានី តេអ៊ីរ៉ង់ ត្រូវបង្ខំចុះចតជាបន្ទាន់ ដោយសារតែមានបញ្ហា ត្រង់ចំណុចចុះចត ។ យន្តហោះក៏បានឆាប់ឆេះពេលចុះចតភ្លាម ដោយសារតែ ឧបករណ៍ចុះចត (កង់) ទម្លាក់ចុះមកខុសប្រក្រតី ។ ប្រភេទយន្តហោះដែលជួបគ្រោះថ្នាក់នោះ មិនទាន់ប្រកាសឲ្យដឹងនៅឡើយទេ ថាតើផលិតដោយក្រុមហ៊ុនណា ។
កម្លាំងជួយសង្គ្រោះបន្ទាន់បានខិតខំពន្លត់អគ្គិភ័យ ក្នុងពេលអ្នកដំណើរ១០០នាក់ នៅខាងក្នុងនៅឡើយ ។ អ្នកដំណើរនៅខាងក្នុង ភ័យស្លេកស្លាំង ខ្លះយំ ខ្លះបន់ព្រះឲ្យជួយ ដោយមិនអាចធ្វើអ្វីបានក្រៅពីនេះឡើយ។
រថយន្តជួយសង្គ្រោះនឹងពន្លត់អគ្គិភ័យ ជាង១០គ្រឿងបានព្យាយាមគ្រប់គ្រងស្ថានភាព ។ ក្រោយពេលក្រុមពន្លិតអគ្គិភ័យគ្រប់គ្រងស្ថានភាពបានហើយទើប អនុញ្ញាតឲ្យអ្នកដំណើរ ជម្លៀសចេញពីយន្តហោះ ដោយសុវត្ថិភាព ហើយមិនមានអ្នករងរបួសនោះឡើយ ៕
