ភ្នំពេញ៖ ទិវាសិទ្ធិមនុស្ស១០ធ្នូ យុវជនមកពីសាលាឯកជនក្លិបបាល់ទាត់ និងតំណាងអង្គការក្រៅរដ្ឋាភិបាលបាន មកជួបជុំគ្នាលេងបាល់ទាត់ហើយក្រុម បាល់ទាត់ចំនួន៥ក្រុមក៏បានលើកពាន រង្វាន់ដែលប្រសិទ្ធនាមថា ព្រឹត្ដិការណ៍ 5th Human Rights Soccer Tournament 2015 នៅលើទីលាន បាល់ទាត់អឹមភើរៀលកាលពីថ្ងៃព្រហស្បតិ៍ ទី១០ ខែធ្នូ ឆ្នាំ២០១៥ ។
លោក ដេនីស អ៊ីឈីកាវ៉ា អ្នកជំនាញ ផ្នែកទំនាក់ទំនងប្រឹក្សាយោបល់និង តម្រង់ទិសវិជ្ជាជីវៈរបស់សាលាអន្ដរ ជាតិ CIA First បានឱ្យដឹងថា ការរៀបចំ ព្រឹត្ដិការណ៍នោះគឺដើម្បីចូលរួមក្នុងថ្ងៃ ទិវាសិទ្ធិមនុស្សដោយសារការលេង កីឡាគឺជាទស្សនវិជ្ជានៃជីវិតហើយ មនុស្សគ្រប់រូបមានសិទ្ធិលេងកីឡាស្មើ គ្នា ។
ការប្រកួតបាល់ទាត់ដែលរៀបចំ ឡើងដោយសាលារៀន CIA First International School នៅលើទីលាន អ៊ីមភើរៀលនោះបានបែងចែកការប្រកួត ជា៤ផ្នែក គឺក្រុម U10, U12, U14, U17 ។ ចំពោះការប្រកួតផ្នែកនារីតាម រយៈរូបមន្ដវិលជុំជម្រុះក្នុងនោះ U10 មានចំនួន៦ក្រុមចូលរួម គឺក្រុមភ្នំពេញ ក្រោនបានយកឈ្នះក្រុមបឹងកេតអង្គរ ៤-១ ក្នុងវគ្គផ្ដាច់ព្រ័ត្រដើម្បីក្លាយជា ម្ចាស់ជើងឯក ខណៈដែលក្រុម 3G Academy យកឈ្នះក្រុម Zaman ១-០ ទទួលបានលេខ៣ ។ ចំណែកឯ U12 មាន ៨ក្រុមនោះចំណាត់ថ្នាក់លេខ១បានទៅ លើក្រុមភ្នំពេញក្រោន បន្ទាប់ពីក្រុមនេះ បានលេងឈ្នះក្រុម MIS(Modern International School) ៣-០ នៅវគ្គ ផ្ដាច់ព្រ័ត្រ។ រីឯក្រុម WIS (World International School) បានឈ្នះក្រុម CIA First ៤-២ ក្នុងការប្រកួតដណ្ដើម យកលេខ៣ ។ រីឯ U14 ដែលមានចំនួន ៧ក្រុមក្នុងនោះក្រុម 3G បានលេងឈ្នះ ក្រុម WIS ២-០ ដើម្បីក្លាយជាម្ចាស់ ជើងឯក ខណៈដែលក្រុម WIS យកឈ្នះ ក្រុម MIS ១-០ ជាប់ចំណាត់ថ្នាក់លេខ ៣ ។
ដោយឡែក ការប្រកួត U17 មាន៧ ក្រុមចូលរួមក្រុមបឹងកេតយកឈ្នះក្រុមភ្នំពេញក្រោន ១-០ ក៏បានលើកពាន ក្រុម CCF ឈ្នះក្រុម Zaman ៣-០ ក្នុង ការប្រកួតដណ្ដើមយកលេខ៣ ។ ផ្នែក នារីមានក្រុមចំនួន៤ គឺក្រុម Zaman បានយកឈ្នះក្រុម CIA First ២-០ ក្លាយ ជាម្ចាស់ជើងឯកហើយក្រុមភ្នំពេញ ក្រោនយកឈ្នះក្រុម CCF ដោយការទាត់ បាល់ប៉េណាល់ទីទទួលបានចំណាត់ថ្នាក់ លេខ៣ ។
លោកបានបន្ដទៀតថា តាមរយៈការ លេងបាល់ទាត់ក្នុងថ្ងៃទិវាសិទ្ធិមនុស្ស នេះវាមិនត្រឹមតែជាការផ្សព្វផ្សាយពី សេរីភាពក្នុងការលេងបាល់ប៉ុណ្ណោះទេ ប៉ុន្ដែសិស្សានុសិស្សទាំងអស់បានមក ជួបជុំគ្នានៅលើទីលានទាំងអស់គ្នាដើម្បីបង្កើតនូវភាពស្និទ្ធស្នាលនិងភាពសប្បាយ រីករាយដោយពុំមានការរើសអើងឡើង ៕
ដោយ៖ សារីម
