ខេត្តព្រះសីហនុ ៖ អាជ្ញាធរមានសមត្ថកិច្ចអោយដឹងថា នាវាឆ្មាំសមុទ្ររបស់ប្រទេសឥណ្ឌា ឈ្មោះ Indian Coast Guard Ship នឹងចូលចតនៅកំពង់ផែក្រុងព្រះសីហនុរយៈពេល៥ថ្ងៃ ចាប់ពីថ្ងៃទី២៥ ដល់ថ្ងៃទី២៩ ខែមីនា ឆ្នាំ២០១៩ ដែលនេះជាដំណើរទស្សនកិច្ចប្រចាំឆ្នាំរបស់ឥណ្ឌាតែងតែធ្វើដូចបណ្តាឆ្នាំមុនៗផងដែរ ។
ដំណើរទស្សនកិច្ចរបស់ក្រុមនាវាឆ្មាំសមុទ្រឥណ្ឌា គ្រោងនឹងបន្តពង្រឹងសាមគ្គីភាពមិត្តភាពជាមួយកងទ័ពជើងទឹក និងប្រជាជនកម្ពុជាដោយមានកម្មវិធីមួយចំនួនដោយចែកជាក្រុមៗដូចខាង ក្រោម ៖
ការចូលចត និងការត្រួតពលស្វាគមន៍ និងបដិសណ្ឋារកិច្ចរវាងកងទ័ពជើងទឹកនៃប្រទេសទាំងពីរ ការផ្តល់ឱកាសជូនប្រព័ន្ធផ្សព្វផ្សាយបានស្វែងយល់ និងទស្សនកិច្ចកម្សាន្តតំបន់ខេត្តព្រះសីហនុ ;ការប្រគួតកីឡាបាល់ទះ វាយសី រវាងក្រុមកីឡាករកងទ័ពឥណ្ឌា និងកំពង់ផែស្វ័យតក្រុងព្រះសីហនុ ;ការចូលជួបសំដែងការគួរសមជាមួយមេបញ្ជាការ និងនាយទាហ៊ាននៃកងទ័ពជើងទឹកមូលដ្ឋានសមុទ្រកម្ពុជា និងថ្នាក់ដឹកនាំរដ្ឋបាលខេត្តព្រះសីហនុ ;ការបើកអោយចូលទស្សនាលើនាវាដល់មន្រ្តីការទូតឥណ្ឌា និងសហគមន៍ឥណ្ឌា ; ការធ្វើដំណើរទៅទស្សនកិច្ចកម្សាន្តនៅរាជធានីភ្នំពេញ ;ការធ្វើបទបង្ហាញ រវាងកងទ័ពប្រទេសទាំងពីរ អំពីប្រធានបទ : ការគ្រប់គ្រង ការបំពុល ការសង្រ្គោះនិងការស្រាវជ្រាវ ។ ល ៕ ដោយ ៖ ជាយក្រុង
