ខេត្ដស្ទឹងត្រែង៖ នារីវ័យក្មេងអាយុ ១៩ឆ្នាំម្នាក់បំណាច់តែចង់ក្លាយជា សមត្ថកិច្ចដើម្បីបម្រើការងារជូនរដ្ឋ បានចំណាយប្រាក់យ៉ាងតិចជិត២ពាន់ ដុល្លារឱ្យទៅមន្ដ្រីយោធាស័ក្ដិ៤កន្លះ (ឧត្ដម)រត់ការចូលក្របខ័ណ្ឌសមត្ថកិច្ច (អង្គរក្ស) ទីបំផុតលោកស័ក្ដិ៤កន្លះរូប នេះប្រើល្បិចបោកយកប្រាក់ ដោយពុំ បានគិតថា គ្រួសាររបស់នាងជាទីទ័ល ក្រនៅស្រុកស្រែចម្ការនោះឡើយ ។
កញ្ញា គ.អ. អាយុ១៩ឆ្នាំ រស់នៅក្រុង -ខេត្ដស្ទឹងត្រែងបានរៀបរាប់ឱ្យដឹងថា មានមន្ដ្រីយោធាស័ក្ដិ៤កន្លះមួយរូប ឈ្មោះឧត្ដម ដែលមានវត្ដមានជាអ្នករក ស៊ីឈើនៅស្រុកសៀមប៉ាង ខេត្ដស្ទឹងត្រែង ឱ្យលោកលីដា កូនចៅឧកញ៉ាទ្រី ភាព បានធានាថា ខ្លួនមានសមត្ថភាពក្នុងការ បញ្ចូលឈ្មោះក្នុងក្របខណ្ឌ ។
នៅថ្ងៃទី២៤ ខែតុលា ឆ្នាំ២០១៥ នាង ក៏បានប្រមែប្រមូលប្រាក់ចំនួន៨០០ ដុល្លារប្រគល់ទៅឱ្យលោកឧត្ដម ហើយ គាត់ក៏បានសន្យាថានៅថ្ងៃទី៣០ ខែធ្នូ ឆ្នាំ២០១៥ នឹងត្រូវមានឈ្មោះចូលបម្រើ ការងារជាអង្គរក្ស ។
នារីរងគ្រោះបន្ដថា នៅថ្ងៃទី២៥ ខែ វិច្ឆិកា ឆ្នាំ២០១៥ ឈ្មោះឧត្ដម តម្រូវឱ្យ បង់ប្រាក់បន្ថែមចំនួន២៥០ដុល្លារដើម្បី យកទៅបំពេញឯកសារពាក់ព័ន្ធប្រវត្ដិ រូប និងនៅថ្ងៃទី២៩ ខែវិច្ឆិកា ឆ្នាំ២០១៥ តម្រូវឱ្យបង់ចំនួន៧០០ដុល្លារបង្គ្រប់ ហើយប្រាប់ថា នៅថ្ងៃទី៣ ខែធ្នូ ឆ្នាំ ២០១៥ ត្រូវមកកាន់រាជធានីភ្នំពេញ ដើម្បីចូលបម្រើការងារ ។
ក្រោយពីទទួលប្រាក់លោកស័ក្ដិ៤កន្លះ ឧត្ដមក៏បានបិទទូរស័ព្ទ រកមិនឃើញ និង មិនដឹងថា អង្គភាពរបស់គាត់នៅទីណា ពិតប្រាកដ ។
សាច់ញាតិរបស់កញ្ញា គ.អ.បាន និយាយថា ពេលដែលមានទំនុកចិត្ដ ចំណាយប្រាក់ដោយយល់ឃើញថា ឈ្មោះ ឧត្ដម អតីតជាអ្នករកស៊ីទិញឈើឱ្យថៅ កែឈ្មោះលីដា ត្រូវជាដៃស្ដាំរបស់ឧកញ៉ា ទ្រី ភាព មិននឹកស្មានថា គេមានចេតនា បោកប្រាស់បែបនេះទេ ។ ដូច្នេះសូមឱ្យ សមត្ថកិច្ចពាក់ព័ន្ធមេត្ដាចាត់វិធានការ ទៅលើជនខិលខូចប្រភេទនេះ ព្រោះអាច នឹងបន្ដសកម្មភាពបោកប្រាស់ប្រជាពល រដ្ឋស្លូតត្រង់ដទៃទៀត ។
គួររំលឹកថា បញ្ហាចូលក្របខ័ណ្ឌរដ្ឋ តាមបណ្ដាស្ថាប័នអង្គភាពរបស់រដ្ឋ តែងតែមានការប្រកាសជ្រើសរើស ប្រឡងជាលក្ខណៈស្របច្បាប់ មិនមែន រើសតាមការបង់ប្រាក់ក្នុងល្បិចភូត កុហក់បែបនេះទេ ។ សូមបងប្អូនប្រជា ពលរដ្ឋកុំជឿគំនិតទុច្ចរិតរបស់ជនខិល ខូចចៀសវាងការខាតបង់ទ្រព្យសម្បត្ដិ ។ពាក់ព័ន្ធករណីនេះនគរវត្ដមិនអាច ទាក់ទងបានទេពីលោកស័ក្ដិ៤កន្លះឧត្ដម កាលពីព្រឹកថ្ងៃទី១២ ខែធ្នូ ឆ្នាំ២០១៥ ដោយគ្មានលេខទូរស័ព្ទ ៕
ដោយ៖ សុខ ខេមរា
