ប្រទេសជាច្រើនបង្ហាញពីក្តីបារម្ភយ៉ាងខ្លាំង ខ្លាចអ៊ីរ៉ង ត្រូវដើរតាមកន្លង របស់ប្រទេស អ៊ីរ៉ាក់ ស៊ីរី ដោយត្រូវអាមេរិក និងសម្ព័ន្ធមិត្តវាយប្រហារដោយយកហេតុផលកម្ចាត់ក្រុមភេរវកម្ម ។
រដ្ឋាភិបាលរបស់ប្រធានាធិបតីដូណាលត្រាំ នឹងចេញសេចក្តីប្រកាស ចាត់ទុក ឆ្មាំបដិវត្តន៍ អ៊ីស្លាមអ៊ីរ៉ង IRGC គឺជាក្រុមភេរវកម្ម នៅក្រៅប្រទេស។ តាមគម្រោង អាមេរិកនិងប្រកាសនៅថ្ងៃច័ន្ទសប្តាហ៍ក្រោយ។
នេះជាលើកទីមួយ ដែលអាមេរិក ប្រកាសចាត់ទុកកម្លាំងទាហាននៅក្នុងប្រទេសមួយដែលមានអធិបតេយ្យនៅលើពិភពលោក ជា ក្រុម ភេរវកម្ម។ ព័ត៌មានខាងលើត្រូវបានមន្ត្រីអាមេរិក ៣រូបប្រកាសប្រាប់បណ្តាញព័ត៌មាន រ៉យទ័រ និង Wall Street Journal កាលពីថ្ងៃទី៥ខែមីនា ។
ក្រុមអ្នកឯកទេសបានផ្សាយថាសកម្មភាព បែបនេះនឹងបង្កឲ្យមានភាពតានតឹងកាន់តែខ្លាំង រវាងអាមេរិក និងអ៊ីរ៉ង់ បន្ទាប់ពីលោកត្រាំប្រកាសដកអាមេរិកចេញពីកិច្ចព្រមព្រៀងបរមាណូ កាលពីខែឧសភាឆ្នាំ២០១៨។
កម្លាំងទាហានបដិវត្តន៍អ៊ីស្លាមអ៊ីរ៉ង់(IRGC)បានបង្កើតឡើង នៅឆ្នាំ១៩៧៩ ។ សាខាធ្វើសកម្មភាពនៅក្រៅប្រទេសរបស់ IRGC គឺកម្លាំង Quds បានចូលរួមនៅក្នុងសង្គ្រាមប្រឆាំងភេរវកម្មអ៊ីស្លាម IS នៅក្នុងប្រទេសស៊ីរី ជួយដល់រដ្ឋាភិបាលរបស់ប្រធានាធិបតីអាលអាសាដ។
ប៉ុន្តែនាយករដ្ឋមន្ត្រីអ៊ីស្រាអ៊ែលបានចាត់ទុក អ៊ីរ៉ង់ គឺជាការគំរាមកំហែង ស្លាប់រស់ជាមួយប្រទេសអ៊ីស្រាអែល។មិនតែប៉ុណ្ណោះ នាយករដ្ឋមន្ត្រីអ៊ីស្រាអែលបានព្រមាន វាយប្រហារ បរមាណូទៅលើ ទីក្រុង ដាម៉ាកាស និង តេអ៊ីរ៉ង ដោយសារតែមានវត្តមានរបស់កម្លាំង IRGC នៅលើទឹកដីស៊ីរី។
សារព័ត៌មានរុស្ស៊ីបានផ្សាយថា ពេលវេលាដែលអាមេរិកប្រកាស IRGC ជាក្រុមភេរវកម្ម ត្រូវបានទីក្រុងវ៉ាស៊ីនតោនគិតគូរយ៉ាងល្អិតល្អន់ ដើម្បីផ្តល់ឲ្យនាយករដ្ឋមន្ត្រី ណេតានយ៉ាងហូ មានប្រៀប និងទទួលបានសម្លេងគាំទ្រខ្ពស់នៅក្នុង ការបោះឆ្នោតនាថ្ងៃទី៩ខែមេសាខាងមុខ។
ប្រធានាធិបតីអាមេរិកដូណាលត្រាំ បានគាំទ្រអ៊ីស្រាអែលយ៉ាងពេញទំហឹង ក្នុងនោះមាន ការប្តូរស្ថានទូតអាមេរិកពី ទីក្រុង Tel Aviv ទៅកាន់ជេរ៉ូសាលឹម ដែលជាតំបន់វិវាទជាមួយប៉ាឡេស្ទីន បង្ករឲ្យមានប្រតិកម្មពីបណ្តាប្រទេសអ៊ីស្លាមជុំវិញពិភបលោក ។ ក្រៅពីនេះមានបាតុកម្ម អូសបន្លាយជាច្រើនខែនៅព្រំដែនកាហ្សា ធ្វើឲ្យមានអ្នកស្លាប់និងរបួសជាច្រើន។
ពេលថ្មីៗនេះ លោកត្រាំក៏បានចុះហត្ថលេខាទទួលស្គល់តំបន់ហ្គោឡែន របស់ស៊ីរី ជាទឹកដី ស្រប់ច្បាប់របស់អ៊ីស្រាអែល ទទួលរងការថ្កោលទោសជាថ្មី។តំបន់ហ្គោឡែន ត្រូវបានអ៊ីស្រអែលគ្រប់គ្រងនៅក្នុងសង្គ្រាម៦ថ្ងៃនៅឆ្នាំ១៩៦៧ ជាមួយស៊ីរី ហ្សកដង់ និងអេហ្ស៊ីប។
ក្រុមអ្នកឯកទេសវិភាគបានលើកឡើងថា ការដែនអាមេរិកប្រកាស ចាត់ទុកទាហានបដិវត្តន៍អ៊ីស្លាមអ៊ីរ៉ង់ គឺ ជាការធ្វើតាមសំណើររបស់ អ៊ីស្រអែល ។ ក្រោយកាស សង្គ្រាមវាយប្រហារកម្ចាត់ក្រុមភែរវកម្ម អាចនឹងបន្តកើតឡើង គឺជាឧកាសដើម្បី អ៊ីស្រាអែលវាយប្រហារអ៊ីរ៉ង ដោយស្រប់ច្បាប់ ដោយយកហេតុផលកម្ចាត់ក្រុមភែរវកម្ម។
ពីដើម អ៊ីស្រាអែល និងអ៊ីរ៉ង មានទំនាក់ទំនងល្អជាមួយគ្នា អស់រយៈកាលជាង៣០ឆ្នាំ ក៏ប៉ុន្តែក្រោយមកដោយកត្តា នយោបាយនិងផលប្រយោជន៍ ក្នុងនោះក៏មានបច្ច័យជំនឿ សាសនា មួយផង បានធ្វើឲ្យអ៊ីរ៉ង់និងអ៊ីស្រាអែល ក្លាយទៅជាគូរបដិបក្ខ សត្រូវប្រចាំសត្សវត្តន៍ បើទោះបីជាប្រទេសទាំងពីរនេះ ពុំមានព្រំដែនជាប់គ្នា និងពុំមានការទំនាស់វិវាទអំពីបូរណភាព ទឹកដី ជាមួយគ្នាឡើយក៏ដោយនោះ ។
បន្ទាប់ពីរដ្ឋអ៊ីស្រាអែល ចាប់បដិសន្ធិឡើងនៅឆ្នាំ ១៩៤៨ មក ទំនាក់ទំនង និងកិច្ចសហ ប្រត្តិបត្តិការ រវាងអ៊ីស្រាអែល និងអ៊ីរ៉ង់ មានភាពល្អប្រើសើរ ហើយ សូម្បីតែក្រោយ ពីមានបដិវត្តន៍ ឥស្លាមឆ្នាំ១៩៧៩ ដែលពេលនោះ អ៊ីរ៉ង់បានផ្តាច់ទំនាក់ទំនងការទូតជា ឯកតោភាគី ជាមួយអ៊ីស្រាអែល ក៏ដោយ! ក៏កិច្ចសហប្រតិបត្តិការ លើផ្នែកយោធា រវាងអ៊ីរ៉ង និងអ៊ីស្រាអែល នៅតែត្រូវបានរក្សាដដែល រហូតដល់ប៉ុន្មានឆ្នាំក្រោយ ទើបប្រទេសទាំងពីរនេះ បានកាត់ផ្តាច់ ទំនាក់ទំនងទាំងស្រុង! មូលបតសំខាន់ដោយពេលនោះ ក្រុង Tehran ត្រូវការអ៊ីស្រាអែល ក្នុងការផ្គត់ផ្គង់អាវុធ និងសំភារៈ សឹក ដើម្បីបំរើអោយសង្គ្រាម ដ៏សាហាវឃោរឃៅ ជាមួយនិងប្រទេសភូមិផង គឺ Iraq នោះ ។
លោក Benjamin Netanyahu នាយករដ្ឋមន្ត្រីអ៊ីស្រាអែល ជាអ្នកដែលបានបញ្ជុះបញ្ចូល សហរដ្ឋអាមេរិក អោយដកខ្លួនចេញ ពីកិច្ចព្រមព្រៀងនុយក្លែអែរជាមួយអ៊ីរ៉ង់ នាឆ្នាំ២០១៥! តែជាការពិត ពីរឆ្នាំមុនពេលដែលមានបដិវត្តន៍ឥស្លាម១៩៧៩ គឺទាំងអ៊ីស្រាអែល និងអ៊ីរ៉ង់ ធ្លាប់បានសហការគ្នា ក្នុងផែនការរួមមួយ ដើម្បីផលិតកាំជ្រួច ដែលអាចបំពាក់បានទៅដោយក្បាល គ្រាប់នុយក្លែអែលទៀតផង ។
នៅក្នុងបណ្តាឆ្នាំ១៩៦០ និង១៩៧០ អ៊ីរ៉ង់ក៏ធ្លាប់បានអនុញ្ញតិសំរួលឲ្យក្រុមពួកអ្នកម៉ៅការសំណង់ក៏ដូចជាពួកទីប្រឹក្សាជាតិអ៊ីស្រាអ៊ែល អោយស្នាក់អាស្រ័យប្រកបអាជីពរស់នៅ Tehran យ៉ាងច្រើន! រហូតដល់ពួកនេះ មានទាំងសាលា បង្រៀនជាភាសា Hebrew សម្រាប់ពួកកុមាអ៊ីស្រាអែលទៀតផង! ។ ដោយឡែក ក្រុមហ៊ុនយន្តហោះ EL AL ក៏ធ្លាប់មានជើងហោះហើរ ជាអចិន្ត្រៃយ៍ ហោះទៅមក រវាងក្រុងTeL Avis ជាមួយ Tehran ទៀតផង។
ដោយគោលនយោបាយពង្រីកទឹកដីរបស់អ៊ីស្រាអែល បានធ្វើឲ្យ អ៊ីស្រាអែល និងអ៊ីរ៉ង មានទំនាស់នឹងគ្នាកាន់តែខ្លាំង ឡើងៗក្លាយជាសត្រូវពូជសាសន៍នឹងគ្នា ។ ហេតុការខាងលើកើតឡើងដោយសារតែអ៊ីរ៉ង់តែងតែង បំផ្លាញផែនការពង្រីកទឹកដីរបស់រដ្ឋាភិបាល អ៊ីស្រាអែល ៕
