អង់គ្លេសចាប់ខ្លួន ម្ចាស់គេហទំព័រតាមសំណើអាមេរិក

ចែករំលែក៖

ម្ចាស់គេហទំព័រដែលទម្លាយរឿងសម្ងាត់របស់អាមេរិក ធ្វើឲ្យប្រទេសជាសម្ព័ន្ធមិត្តខឹង​សម្បាយ៉ាងខ្លាំងដោយ សារតែ អាមេរិកបានលួចស្ទាប់ការសន្ទនាតាមទូរស័ព្ទរបស់បណ្តាមេដឹកនាំ នៅក្នុងតំបន់អឺរ៉ុប ក៏ដូចជាតាមតានប្រព័ន្ធទូរស័ព្ទរបស់ពលរដ្ឋអាមេរិកផ្ទាល់​។

សារព័ត៌មាន CNN ​នៅថ្ងៃទី​១១ខែមេសា​បានផ្សាយថា ស្ថាបនិកគេហទំព័រទម្លាយរឿងសម្ងាត់អន្តរជាតិ Wiki Leaks លោក ជូលៀន អាស្សាង (Julian Assange) ត្រូវបានចាប់ខ្លួនហើយនៅទីក្រុងឡុងដ៍ នៃចក្រភពអង់គ្លេស នាថ្ងៃព្រហស្បតិ៍នេះ ក្រោយរដ្ឋាភិបាលអេក្វាឌ័របានសម្រេចដកសិទ្ធិជ្រកកោណរបស់លោក នៅក្នុងស្ថានទូតប្រចាំទីក្រុងឡុងដ៍ ប៉ុន្តែភ្លាមៗនេះមិនទាន់មានព័ត៌មានល្អិតបន្ថែម​ ជុំវិញការចាប់ខ្លួននៅឡើយទេ។

លោក Julian Assange បានរស់នៅជ្រកកោនក្នុងស្ថានទូតអេក្វាឌ័រ ប្រចាំទីក្រុងឡុងដ៍អស់រយៈពេលជាង ០៧ឆ្នាំមកហើយ។ ម្យ៉ាងវិញទៀត ការចាប់ខ្លួននេះត្រូវបានគេមើលឃើញថា ជាការបើកផ្លូវមួយក្នុងការធ្វើបត្យា ប័នរូបលោក ទៅកាន់ទីក្រុងវ៉ាស៊ីនតោន ជាទីដែលលោកអាចនឹងត្រូវប្រឈមមុខនឹងការកាត់ទោស ពាក់ព័ន្ធនឹងការទម្លាយឯកសារសំងាត់ជាច្រើនរបស់សហរដ្ឋអាមេរិក។

គួរបញ្ជាក់ថា លោក Julian Assange គឺជាជនជាតិអូស្ត្រាលី ដែលមានជំនាញខ្ពស់ផ្នែក​ព័ត៌មានវិទ្យា ព្រមទាំងជាម្ចាស់វែបសាយ WikiLeaks ដ៏ល្បីល្បាញបំផុតនៅលើសកលលោក ដែលមានជំនាញខាងទម្លាយឯកសារសម្ងាត់ នៃបណ្តាមេដឹកនាំនយោបាយ និងពាណិជ្ជកម្មល្បីៗនៅទូទាំង​ពិភពលោក ក្នុងនោះក៏មានសហរដ្ឋ អាមេរិកផងដែរ។

ការទម្លាយរឿងសម្ងាត់របស់រដ្ឋាបាលអាមេរិកកាលពីឆ្នាំ២០១០ បានធ្វើឲ្យទៅក្រុងវ៉ាស៊ីនតោន​ កៀរគរសម្ព័ន្ធមិត្តដេញតាមចាប់រូបលោកពីប្រទេសមួយទៅប្រទេសមួយ រហូតដល់ខែសីហា ឆ្នាំ២០១២ ទើបលោក Assange អាចគេចផុតការយាយី និងទទួលបានសិទ្ធិជ្រកកោណ​នៅក្នុងស្ថានទូតអេក្វាឌ័រ ប្រចាំនៅទីក្រុងឡុងដ៍ ប៉ុន្តែសហ រដ្ឋអាមេរិកនៅតែព្យាយាមរិះរកគ្រប់​វិធីថែមទៀតដើម្បីស្នើសុំបត្យាប័ន បញ្ជូនលោកទៅកាត់ទោសនៅសហរដ្ឋ អាមេរិកនៅទីបំផុត៕

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print