ខេត្តកំពង់ឆ្នាំង៖ មុខសញ្ញាចាស់អ្នកប្រើប្រាស់ និង ចែកចាយគ្រឿងញៀនចំនួន៤ត្រូវបានសមត្ថកិច្ចនគរបាលបានបង្ហាញមុខ កាលពីព្រឹកថ្ងៃទី១៣ ខែធ្នូ ឆ្នាំ២០១៥ ក្រោយពីជនសង្ស័យទាំងនេះបានធ្វើសកម្មភាពនៅក្នុងភូមិសាស្រ្តក្នុងក្រុងកំពង់ឆ្នាំង និង សុ្រកសាមគ្គីមានជ័យខេត្តកំពង់ឆ្នាំង ។
សមត្ថកិច្ចនគរបាលប្រឆាំងបទល្មើសគ្រឿងញៀន បានអោយដឹងថា ជនសង្ស័យទាំង៤នាក់នេះ ១.ឈ្មោះ ង្វៀងយ៉ាំងអ៊ុក ភេទប្រុស អាយុ២៩ឆ្នាំ ជាជនជាតិវៀតណាមស្នាក់នៅសង្កាត់ផ្សារឆ្នាំងក្រុងកំពង់ឆ្នាំង ។ ២.ឈ្មោះ ការិន សុរិយារង្សី ហៅ ចង្រិត ភេទស្រីអាយុ២១ឆ្នាំ រស់នៅភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ។ ៣.តេង ណារុន ភេទប្រុស អាយុ២៦ឆ្នាំ រស់នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។ ជនសង្ស័យទាំង៣នាក់បានធ្វើសកម្មភាពកាលពីព្រឹកថ្ងៃទី១២ ខែធ្នូ ឆ្នាំ២០១៥ ក្នុងភូមិសាស្រ្តសង្កាត់ផ្សារឆ្នាំង ក្រុងកំពង់ឆ្នាំង ។ និង ៤.ឈ្មោះ ធឿង ធា ភេទប្រុស អាយុ១៩ឆ្នាំ រស់នៅភូមិស្ពានដែ ឃុំធ្លកវៀន ស្រុកសាមគ្គីមានជ័យ បានធ្វើសកម្មភាពកាលពីល្ងាចថ្ងៃទី១២ ខែធ្នូ ឆ្នាំ២០១៥ នៅក្នុងឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ។ ក្នុងពេលឃាត់ខ្លួនជនសង្ស័យទាំងនេះសមត្ថកិច្ចបានរកឃើញវត្ថុតាងមានថ្នាំញៀនប្រភេទម៉ាទឹកកក បានចំនួន៦កញ្ចប់ និង សម្ភារៈសម្រាប់ជក់មួយចំនួនទៀតផងដែរ ។
សមត្ថកិច្ចបានអោយដឹងថា ជនសង្ស័យទាំង៤នាក់នេះគឺជាមុខសញ្ញាចាស់ និងខ្លះធ្លាប់ជាប់ពន្ធនាគារពីបទចែកចាយគ្រឿងញៀន ។ ការឃាត់មុខសញ្ញា ក្រោយពីសមត្ថកិច្ចបានធ្វើការតាមនដានពីសកម្មភាពរបស់ជនសង្ស័យ និង បានដាក់កម្លាំងសម្ងាត់សម្រាប់ផ្តល់ ព័ត៌ ក្រោយពីទទួលបានព័ត៌មាននេះសមត្ថកិច្ចបានដាក់កម្លាំង ព័ទ្ធចាប់បានតែម្តង ។ នៅពេលនេះសមត្ថកិច្ចកំពុងធ្វើការសាកសួរ និង កសាងសំណុំរឿង បញ្ជូនទៅតុលាការដើម្បីបន្តចាត់ការតាមនីតិវិធីនៃច្បាប់ ៕
ដោយ៖ ចន្ថា
