ភ្នំពេញ៖នៅថ្ងៃទី១៣ ខែមេសា ឆ្នាំ២០១៩ នេះ លោកស៊ិន វីរៈ ព្រះរាជអាជ្ញារងអមសាលាដំបូងរាជធានីភ្នំពេញ សម្រេចចោទប្រកាន់លោកវរសេនីយ៍ទោ ហោ រ៉ាពិណាត នាយរងការិយាល័យហិរញ្ញវត្ថុ នៃបញ្ជាការដ្ឋានកងរាជអាវុធហត្ថលើផ្ទៃប្រទេស និង បក្ខពួក២នាក់ ពីបទជួញដូរគ្រឿងញៀន ។ នេះបេីតាមការបញ្ជាក់របស់មន្ត្រីតុលាការ ។
បច្ចុប្បន្នជនត្រូវចោទទាំង៣នាក់ និង សំណុំរឿង ត្រូវបានបញ្ជូនទៅចៅក្រមស៊េីបសួរ ដេីម្បីចេញដីកាឃុំខ្លួនដាក់ពន្ធនាគារបណ្តោះអាសន្ន ។
ជនសង្ស័យទាំង៣នាក់ ត្រូវបានចាប់ខ្លួនកាលពីយប់ថ្ងៃទី៩ ខែមេសា ឆ្នាំ២០១៩ ក្នុងមូលដ្ឋានខណ្ឌច្បារអំពៅ រាជធានីភ្នំពេញ ។
សូមបញ្ជាក់ ចំពោះមន្ដ្រីអាវុធហត្ថទូទាំងប្រទេស គឺ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស តែងតែដាក់បទបញ្ជាយ៉ាងម៉ឺងម៉ាត់ ហាមដាច់ខាតមិនឲ្យពាក់ព័ន្ធល្មើសអ្វីនោះទេ ហើយបើមន្ដ្រីណាដែលពាក់ព័ន្ធត្រូវទទួលទោសតាមច្បាប់ ក៏ដូចជាបណ្តេញចេញពីក្របខណ្ឌកងទ័ពជាដើម ។
សូមប្រជាពលរដ្ឋទាំងអស់ រួមទាំងកងកម្លាំងគ្រប់ប្រភេទ ចៀសវាងពីគ្រឿងញៀន , គ្រឿងញៀនបំផ្លាញសង្គម និង បំផ្លាញខ្លួនឯង ៕ចេស្តា
