ខេត្តស្វាយរៀង ៖ មានការភ្ញាក់ផ្អើលដល់អ្នកភូមិក៏ដូចជាសមត្ថកិច្ចមូលដ្ឋានទាំងយប់ខណះដែលមានអគ្គិភ័យឆាបឆេះយ៉ាងសន្ធោសន្ធៅចេញពីផ្ទះសំណាក់ “គឹម លី”និងមានការអន្តរាគមន៏ពីរថយន្តពន្លត់អគ្គី​ភ័យជាច្រើនគ្រឿងបាញ់ពន្លត់ជាច្រើនម៉ោងទើបគ្រប់គ្រងស្ថានការណ៏បានដោយការឆេះនេះសមត្ថកិច្ចបាន​អះអាងជាបឋមថាឆ្លងចរន្តអគ្គីសនី។

ហេតុការណ៏នេះបានកើតឡើងកាលពីវេលាម៉ោង៤និង៣០នាទីទៀបភ្លឺថ្ងៃទី១៩ ខែមេសា ឆ្នាំ២០១៩ នៅផ្ទះសំណាក់ គឹម លី ស្ថិតក្នុងភូមិ បាវិតកណ្តាលសង្កាត់បាវិតក្រុងបាវិតខេត្តស្វាយរៀង ។

យោងតាមសមត្ថកិច្ចកងរាជអាវុធហត្ថក្រុងបាវិត បានអោយដឹងថាក្រោយពីទទួលបានព័ត៏មានភ្លាមកំលាំងសមត្ថកិច្ចបានអន្តរាគមន៏និងបានប្រើប្រាស់រថយន្តបាញ់ពន្លត់អគ្គីភ័យអស់ចំនួន៤គ្រឿងរបស់នគរបាលក្រុងនិងអាវុធហត្ថក្រុងនាំគ្នាបាញ់ពន្លត់អស់ជាច្រើនម៉ោង ទើទើបគ្រប់គ្រងសភាពការណ៍បានទាំងស្រុង។

ប្រភពបន្តថាការឆាបឆេះខាងលើនេះ គឺបឋមបណ្តាលមកពី​ឆ្លងចរន្តអគ្គីសនីពីដំបូលផ្នែកខាងលើទើបបង្កការភ្ញាក់ផ្អើលតែម្ដង  ប៉ុន្តែអគ្គីភ័យនេះមិនបណ្ដាលអោយមានមនុស្សរងគ្រោះថ្នាក់អ្វីនោះទេចំណែកទំហំនៃការខូចខាតទ្រព្យសម្បត្តិនៅមិនទាន់សរុបអស់ទឹកប្រាក់អស់ប៉ុន្មាននោះដែរ ។

ប្រភពបន្តថានាពេលកន្លងមក​អាជ្ញាធរខេត្តក៏ធ្លាប់បានអំពាវនាវអោយ បងប្អូនប្រជាពលរដ្ឋមានការប្រុង ប្រយ័ត្នខ្ពស់ ចំពោះបញ្ហាគ្រោះអគ្គិភ័យ ដែលបណ្តាលមកពីភ្លើងទាន ភ្លើងអគ្គិសនី ភ្លើងចង្ក្រានផងដែរ ៕