ស្រវឹងបើករថយន្ដមិនប្រយ័ត្ន បុករថយន្ដបួនគ្រឿងដែលចតស្ងៀមបណ្ដាលឲ្យរងការខូចខាត

ចែករំលែក៖

ភ្នំពេញ៖ បុរសម្នាក់ស្រវឹងជោកជាំបានបើករថយន្ដTUNTRA មួយគ្រឿងជ្រុលទៅបុករថយន្ដចតស្ងាមនៅចញ្ចើមផ្លូវចំនួនបួនគ្រឿងបណ្ដាលអោយរងការខូចខាតយ៉ាងដំណំ ហើយម្ចាស់បានចុះពីរថយន្ដដោយជាប់លេខរយែរថយក្រោយត្រូវរថយន្ដរយែរថយក្រោយដោយខ្លួនឯងប្រហែល២០០ម៉ែត្រ ទើបរថយន្ដកល់ឃឿនស្លាកសាលា ZAMAN ថយក្រោយលែងរួច។

IMG-20151215-WA0012

ហេតុការណ៍នេះបានកើតឡើងកាលពីវេលាម៉ោង២៣និង០០នាទី ថ្ងៃទី១៤ ខែធ្នូ ឆ្នាំ២០១៥ តាមបណ្ដោយផ្លូវលេខ៣១៥ នៅចំណុចខាងមុច ភោជនីយដ្ឋាន វ័នម៉រ ស្ថិតក្នុងសង្កាត់ បឹងគ់១ ខណ្ឌទួលគោក រាជធានីភ្នំពេញ។

ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញមានរថយន្ដបួនគ្រឿងបើកមកឈប់នៅចញ្ចើមផ្លូវខាងស្ដាំដៃនៅខាងមុខភោជនីដ្ឋាន វ័នម័រ ដោយម្ចាស់ចូលទៅខាងក្នុងហាងបាត់ ។ ក្រោយមកបានមួយសន្ទុះស្រាប់តែមក ក៏មានរថយន្ដមួយគ្រឿងម៉ាកTUNTRA ពណ៍ប្រផេះ ពាក់ស្លាកលេខ ភ្នំពេញ2P-3136 បើកបរដោយបុរស់ម្នាក់ស្ថិតក្នុងស្ថានភាពស្រវឹងជោកជាំបាន ធ្វើដំណើរតាមបណ្ដោយផ្លូវលេខ៣១៥ ទិសដៅពីត្បូងទៅជើងក្នុងល្បឿនលឿនហើយបានរេចង្កូតទៅបុករថយន្ដមួយគ្រឿងម៉ាក ហាយឡេនឌ័រ ពណ៍ទឹកប្រាក់ ពាក់ស្លាកលេខ ភ្នំពេញ2P-3136 ហើយរថយន្ដហាយឡេនឌ័របានទៅបុកបន្ត រថយន្ដបីគ្រឿងបន្តទៀតបណ្ដាលអោយរងការខូចខាតផងដែរ។

ប្រភពដដែលបានបន្តថាក្រោយពីកើតហេតុម្ចាស់រថយន្ដបង្ករបានរយែរថយក្រោយបន្តិចហើយចុះពីរថយន្ដដោយមិនបានដោះលេខក៏ត្រូវរថយន្ដរយែថយដោយខ្លួនឯងប្រហែល២០០ម៉ែត្រទើបរថយន្ដទៅកល់ជាមួយស្លាកយីហោសាលា ZAMAN ទើបរថយន្ដថយក្រោយលែងរួច។

ក្រោយកើតហេតុដោយម្ចាស់រថយន្ដបង្ករស្រវឹងជោកនិយាយគ្នាមិនកើតទើបខាងម្ចាស់រថយន្ដរងគ្រោះបានទំនាក់ទំនងទៅសាច់ញាតិខាងរថយន្ដបង្ករអោយមកជួយដោះស្រាយ។ មួយសន្ទុះក្រោយមកសាច់ញាតិបានមកដល់កន្លែងកើតហេតុហើយបានសងថ្លៃការខូចខាតដល់ម្ចាស់រថយន្ដទាំងបួនគ្រឿងសរុបចំនួន840$ដើម្បីបញ្ចប់រឿងនៅកន្លែងកើតហេតុតែម្ដង។

គួរបញ្ជាក់ផងដែរថា ប្រជាពលរដ្ឋដែលធ្វើដំណើរតាម តាមបណ្តោយផ្លូវលេខ 315ស្ថិតក្នុងសង្កាត់បឹងកក់1នេះតែងតែរអ៊ូរទាំថា ជាពិសេសនៅចំណុចមុខហាងភោជនីដ្ឋានយីហោ វ័ន ម័រនេះក៏ដូចជាហាងដ៏ទៃឯទៀតគឺយកទ្រូងផ្លូវធ្វើជាកន្លែងចតរថយន្តសម្រាប់ភ្ញៀវ ដែលតែងតែបង្កការកកស្ទះចរាចរណ៍រាល់ថ្ងៃ និងបង្កអោយមានគ្រោះថ្នាក់់ផ្សេងៗជាយថាហេតុ ហើយអាជ្ញាធរក៏ដូចជាសមត្ថកិច្ចមូលដ្ឋានមិនដែលយកភ្នែកមើលសូម្បីតែបន្តិច ដោយខ្លាចខាតបង់លាភសក្ការៈផ្ទាល់ខ្លួន៕

IMG-20151215-WA0016