ប្រធានាធិបតី មីយ៉ាន់ម៉ាលោក យូ ធេនសេន កាលពីថ្ងៃ ទី០៩ ខែកក្កដា ឆ្នាំ ២០១៥ នេះថា លោកនឹង ខិតខំរៀបចំការបោះ ឆ្នោត ប្រកបដោយភាពយុត្តិធម៌បំផុត ។

លោក ធេនសេន បានថ្លែង តាមរលកវិទ្យុជាតិ ទៅកាន់ប្រជាជនទាំងអស់ ដើម្បីសាធារណមតិបានដឹង ថា រដ្ឋាភិបាល របស់លោកក៏នឹង រៀបចំឲ្យមានការចុះហត្ថលេខា ចុងក្រោយលើកិច្ចព្រមព្រៀង ឈប់ បាញ់គ្នា (NCA) ឲ្យបានទូទាំងប្រទេស ជាមួយនឹងក្រុមជនជាតិភាគតិច មុនថ្ងៃបោះឆ្នោត សកលនៅចុងឆ្នាំ ២០១៥ នេះ។

នៅក្នុងន័យនេះដែរ ប្រទេសមីយ៉ាន់ម៉ា មិនត្រឹមតែនឹងរៀបចំការបោះឆ្នោតប្រកបដោយ ភាព ស្អាតស្អំ, សេរី, និង យុត្តិធម៌ប៉ុណ្ណោះ ប៉ុន្តែបញ្ហាសន្តិសុខ នៅពេលបោះឆ្នោតក៏ជាកត្តា សំខាន់ បំផុតមួយផងដែរ។ ថ្លែងចំពោះបញ្ហា នេះលោក ប្រធានាធិបតី បានលើកឡើងថា “យោងទៅ តាមកិច្ចពិភាក្សានយោបាយ ដែលឈរលើដំណើរ ការប្រកបដោយសន្តិសភាព ការធ្វើ វិសោធនកម្មរដ្ឋធម្មនុញ្ញ នឹងចូលមកដល់ ហើយការបោះជំហាន នយោបាយដ៏ធំនឹងកើតឡើង។”ការបោះឆ្នោត ជាតិនៅថ្ងៃទី០៨ ខែវិច្ឆិកា ឆ្នាំ២០១៥ ខាងមុខនេះដើម្បី ជ្រើសរើសមេដឹកនាំ តាមអណត្តិដែលបានកំណត់រយៈពេល ៥ឆ្នាំ ។