ភ្នំពេញ៖កម្លាំងប៉ុស្តិ៍នគរបាលរដ្ឋបាលផ្សារកណ្តាលទី១ នៃអធិការដ្ឋាននគរបាលខណ្ឌដូនពេញបានធ្វើការឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់ក្រោយជិះម៉ូតូឆក់ទូរស័ព្ទដៃកាលពីវេលាម៉ោង១០ថ្ងៃសៅរ៍៨រោចខែចេត្រឆ្នាំកុរឯកស័កព.ស២៥៦២ ត្រូវនឹងថ្ងៃទី២៧ ខែមេសាឆ្នាំ២០១៩នៅចំណុចលើផ្លូវព្រះស៊ីសុវត្តិកែងផ្លូវ១៤៨ភូមិទី៦សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។
ជនសង្ស័យត្រូវឃាត់ខ្លួនឈ្មោះ កែវ វិចិត្រ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកមានទីលំនៅផ្ទះជួល ផ្លូវ៥៩៨ ភូមិទួលពពែសង្កាត់ទួលសង្កែ២ខណ្ឌឬស្សីកែវរាជធានីភ្នំពេញ។ចំណែកបក្ខម្នាក់ទៀតកំពុងរត់គេចខ្លួន។
វត្ថុតាងចាប់យកបានមាន ម៉ូតូចំនូន០១គ្រឿងម៉ាក SuzukiSmashVស្មាស់វីពណ៌ខ្មៅពាក់ស្លាកលេខភ្នំពេញ1AR-5486ដែលជារបស់ជនសង្ស័យជិះធ្វើសកម្មភាព។
សម្ភារៈដែលបាត់បង់រួមមានទូរស័ព្ទដៃ១គ្រឿងម៉ាកSamsungJ7ពណ៌ខ្មៅ(ត្រូវបានជនសង្ស័យជាបក្ខពួកយករត់គេចខ្លួនបាត់)។
បច្ចុប្បន្នជនសង្ស័យត្រូវកម្លាំងសមត្ថកិច្ចប៉ុស្តិ៍ផ្សារកណ្ដាលទី១ សហការជាមួយ កម្លាំងអធិការដ្ឋានខណ្ឌដូនពេញកសាងសំណុំរឿងតាមនិតិវិធី៕
ដោយ៖ ធឿនព្រែកជ័យ
