ខេត្តប៉ៃលិន៖ សមាគមន៍អ្នកផ្គត់ផ្គង់ទឹកស្អាតកម្ពុជា បានដឹកនាំអាជីវករប្រមាណជា៦០នាក់ ផ្គត់ផ្គង់ជាសមាជិករបស់ខ្លួន ដែលមានចំនួន៤៨ស្ថានីយ៍មកពីបណ្ដាលខេត្តផ្សេងៗ ជួបប្រជុំជាមួយក្រុមហ៊ុនក្រានវិចតូយ៉ាកាស៊ីណូ ដែលរំលោភបំពានលេីក្រុមហ៊ុន ឃូ ម៉េងហ៊ួត ដែលជាក្រុមហ៊ុនផ្គត់ផ្គង់ទឹកស្អាត នៅខេត្តប៉ៃលិន កាលពីព្រឹកថ្ងៃទី១៤ខែធ្នូឆ្នាំ២០១៥ នៅព្រំផ្សារព្រំ សង្កាត់ស្ទឹងកាច់ ស្រុកសាលាក្រៅ ខេត្តប៉ៃលិន ។
ដោយមានការចូលរួមពី លោក លឹម សំអាត អនុប្រធានមន្ទីរ ឧស្សាហ៍កម្ម សិប្បកម្មខេត្តប៉ៃលិន លោក លឹម សំបូ ចៅសង្កាត់បរយ៉ាខា និងលោកឡែម អៀង មន្ទីរសាលាខេត្តប៉ៃលិន។
លោកនាយកប្រតិបត្តិសមាគមនអ្នកផ្គត់ផ្គង់ទឹកស្អាតកម្ពុជា បានណែនាំពីគោលបំណងនៃកិច្ចប្រជុំថា កិច្ចប្រជុំថ្ងៃនេះ សមាគមននិងសមាជិកសូមឲ្យ ក្រុមហ៊ុនក្រោនវិចតូរីយ៉ាកាស៊ីណូពន្យល់ពីគោលបំណងនៃការដាក់បណ្តាញទឹក ដែលមានទឹកដៅតម្រង់មកភូមិផ្សារព្រំ និងទៅចំការទល់មុខ ក្រុមហ៊ុនស៊ីភី ស្ថិតភូមិអូររអិល។
លោកតឹក ថាយ ប្រធានសន្តិសុខនិងសំណង់ក្រុមហ៊ុនក្រោនវិចតូរីយ៉ាបានលើកឡើងថា គោលបំណងដែលក្រុមហ៊ុនដាក់បណ្តាញទឹក មានទំហំ៣១៤មីលីម៉ែត្រ២០០មីលីម៉ែត្រនិង១៦០មីលីម៉ែត្រគឺសម្រាប់ផ្គត់ផ្អត់ទឹកឆៅ ដេីម្បីយកទៅស្រោចស្រពចំការតាង៉ែនដែលមានទំហំ៤ហិកតាក្នុងភូមិផ្សារព្រំនិងដីចំការមួយកន្លែងទំហុំ១០០ហិកតា ទល់មុខក្រុមហ៊ុនស៊ីភី ស្ថិតក្នុងភូមិអូររអិលនិងផ្គត់ផ្គង់អាងចម្រោះទឹកស្អាត របស់ក្រុមហ៊ុន នៅក្នុងកាសីុក្រានវិចតូរីយ៉ាដែលមានស្រាប់ជាង១០ឆ្នាំមកហើយ សម្រាប់ឲ្យបុគ្គលិកនិងភ្ញៀវប្រើប្រាស់ក្នុងកាស៊ីណូរបស់ក្រុមហ៊ុនតែប៉ណ្ណោះដោយគ្មានបំណងចែកចាយឬលក់បន្តឲ្យប្រជាជន ឬ ក្រុមហ៊ុនអាជីវកម្មផ្សេងទេ ។
លោក លឹម អំអាត បានលើកឡើងប្រាប់ក្រុមហ៊ុនក្រោនវិចតូរីយ៉ាដាក់ពាក្យទៅក្រសួងឧស្សាហ៍កម្មនិងសិប្បកម្ម ដើម្បីអនុញ្ញត សំអាតចទឹក ប្រើប្រាស់ក្នុងកាស៊ីណូដោយមូលហេតុថាការផ្គត់ផ្គង់ទឹកស្អាត ជូនប្រជាជន និងអ្នកប្រើប្រាស់ គឺជាការទទួលខុសត្រូវ របស់ក្រសួងនិងដើម្បីសុវត្ថិភាពរបស់បុក្គលិករួមទាំងភ្ញៀវរបស់ក្រុមហ៊ុន។
លោកបន្តថា ជាគោលការណ៍របស់រដ្ឋាភិបាលស្វាគមន៍អ្នកវិនិយោគឯកជនលើវិស័យទឹកស្អាតនិងវិស័យកសិកម្ម។
សូមបញ្ជាក់ផងដែរថា ក្រុមហ៊ុន ឃូ ម៉េងហ៊ួត ដែលជាក្រុមហ៊ុនផ្គត់ផ្គង់ទឹកស្អាត នៅខេត្តប៉ៃលិន ដោយបានទទួលរងនូវការរំលោភបំពានក្រុមហ៊ុនក្រានវិចតូយ៉ាកាស៊ីណូ (ក្រុមហ៊ុនអានកូ )ក្នុងការប្រកបអាជីវកម្ម ផ្គត់ផ្គង់ទឹកស្អាត នៅខេត្តប៉ៃលិន និងបានបំពានទៅលើ ប្រកាសស្តីការអនុញ្ញាត អោយធ្វើអាជីវកម្ម ទឹកស្អាត លេខ១០៣១ ឧរថ.ទស.ប្រក ចុះថ្ងៃទី២៤ ខែតុលា ឆ្នាំ២០១២ របស់ក្រសួង ឧស្សាហកម្ម រ៉ែ និងថាមពល។ ក្រៅពីនេះ ក្រុមហ៊ុនក្រានវិចតូយ៉ាកាស៊ីណូ ដែលជាក្រុមហ៊ុន អានកូ នោះដែរ បានកាត់បំផ្លាញ បំពង់ទុយោចែកចាយទឹកស្អាត របស់ក្រុមហ៊ុន ឃូ ម៉េងហ៊ួត អស់ប្រមាណជា ៤០ម៉ែត្រ កាលពីថ្ងៃទី២៩ ខែមេសា ឆ្នាំ២០១៥ ដោយមិនទទួលខុសត្រូវ។
លោក ចាន់ ថានី ជាសហប្រធានក្រុមហ៊ុន ឃូ ម៉េងហ៊ួត ដែលជាក្រុមហ៊ុនផ្គត់ផ្គង់ទឹកស្អាត នៅខេត្តប៉ៃលិន បានរៀបរាប់ថា “ក្រុមហ៊ុនរបស់លោក ទទួលបានប្រកាស ស្តីពីការអនុញ្ញាត អោយធ្វើអាជីវកម្ម ទឹកស្អាត លេខ១០៣១ ឧរថ.ទស.ប្រក ចុះថ្ងៃទី២៤ ខែតុលា ឆ្នាំ២០១២ របស់ក្រសួង ឧស្សាហកម្ម រ៉ែ និងថាមពល ដោយបានដំណើរការបាន យ៉ាងល្អប្រសើរ ក្នុងការបំរើជូន ដល់សេចក្តីត្រូវការ របស់បងប្អូនប្រជាពលរដ្ឋ នៅក្នុងតំបន់ផ្សារព្រំ និងក្នុងតំបន់សង្កាត់ស្ទឹងកាច់ ខេត្តប៉ៃលិននេះ”។
លោក ចាន់ ថានី បន្តថា “ក្រុមហ៊ុនបានរៀបចំស្ថានីយសំរាប់ផលិតទឹកស្អាត ដើម្បីផ្គង់ផ្គង់ទឹក ជូនប្រជាពលរដ្ឋ បានក្នុងមួយ ថ្ងៃ ១.០០០ ម៉ែត្រគូប និងបានភ្ជាប់កុងទ័រ ជូនប្រជាពលរដ្ឋបានចំនួន ៥៨២ គ្រួសារ និងបន្ទប់ជួលបាន ១.៣០០ បន្ទប់។
បច្ចុប្បន្ន ក្រុមហ៊ុន មានបណ្តាញទុយោមេ សរុប ៣២គីឡូម៉ែត្រ និងកំពុងរៀបចំ គម្រោងកប់ទុយោមេ ៣០ គីឡូម៉ែត្របន្ថែមទៀត នៅដើមឆ្នាំ២០១៦”៕
ដោយ៖ ស សារ៉េត
