ភ្នំពេញ៖ កម្លាំងនគរបាលប៉ុស្ដិ៍និង កងម៉ូតូប្រដេញរបស់អធិការដ្ឋាននគរ បាលខណ្ឌឫស្សីកែវបានបើកដេញតាមយ៉ាងប្រកិតដើម្បីចាប់ខ្លួនជនសង្ស័យ២នាក់ ខណៈពួកគេធ្វើសកម្មភាពឆក់យកកាបូប ពីនារីម្នាក់បានសម្រេច ហើយព្យាយាម បើកម៉ូតូរត់គេចពីទឹកដីសង្កាត់ច្រាំង ចំរេះ២ រហូតមកដល់ភូមិសាស្ដ្រនៃ សង្កាត់ទួលសង្កែ ទើបចាប់ខ្លួនបាន ។
ករណីខាងលើនេះបានកើតឡើងកាលពីវេលាម៉ោង១៦និង៣០នាទី ថ្ងៃទី១៤ ខែ ធ្នូ ឆ្នាំ២០១៥ ឋិតនៅតាមបណ្ដោយផ្លូវ លេខ៥៩៨ ក្នុងក្រុមទី៨ ភូមិខ១ សង្កាត់ ច្រាំងចំរេះ២ ខណ្ឌឫស្សីកែវ ។
ជនសង្ស័យដែលសមត្ថកិច្ចចាប់ខ្លួន បានមានទី១-ឈ្មោះ ម៉ី សុខ ភេទប្រុស អាយុ២០ឆ្នាំ មានទីលំនៅផ្ទះគ្មានលេខ ផ្លូវលេខ២៧១ សង្កាត់បឹងកក់១ ខណ្ឌទួល គោក , ទី២- ឈ្មោះ ម៉េង ទី ភេទប្រុស អាយុ២០ឆ្នាំ មានទីលំនៅភូមិទួលគោក សង្កាត់ទួលសង្កែ ខណ្ឌឫស្សីកែវ មានមុខ របរជាជាងជួសជុលរថយន្ដ ។ ចំណែក ជនរងគ្រោះឈ្មោះ ឃី វន្នីតា ភេទស្រី អាយុ២០ឆ្នាំ មានទីលំនៅក្នុងសង្កាត់ សំរោង ខណ្ឌព្រែកព្នៅ ជាបុគ្គលិករបស់ ក្រុមហ៊ុនបារីលុច្សសារី ។
បើតាមប្រភពព័ត៌មានបានឱ្យដឹងថា មុនពេលកើតហេតុជនរងគ្រោះបានជិះ ម៉ូតូជាមួយមិត្ដភក្ដិស្រីម្នាក់ទៀត ដោយ ខ្លួន(ជនរងគ្រោះជិះពីខាងក្រោយ)ហើយ បានស្ពាយកាបូបចេញដំណើរពីចំណុច វត្ដញាណរង្សី ឆ្ពោះទៅផ្ទះរបស់ខ្លួន។ លុះមកដល់ចំណុចកើតហេតុស្រាប់ តែជនសង្ស័យទាំង២នាក់ជិះម៉ូតូ១គ្រឿង ម៉ាកនិចមកអែបក្បែរ រួចធ្វើសកម្មភាព ឆក់យកកាបូបបានសម្រេច ព្រមទាំង ព្យាយាមបើកម៉ូតូគេចឆ្ពោះមកសង្កាត់ ទួលសង្កែ ។ ស្របជាមួយគ្នានោះកម្លាំង នគរបាលបានទាក់ទងតាមវិទ្យុ ក៏ឃើញ ភិនភាគរបស់ជនសង្ស័យ ហើយក៏បើក ដេញតាមរហូតចាប់បានតែម្ដង ៕
ដោយ៖ អារុណរះ
