ខេត្តបន្ទាយមានជ័យ ៖ យោងតាមសេចក្តីរាយការណ៍បឋមពីអាជ្ញាធរមូលដ្ឋានសង្កាត់អូរអំបិលបានឲ្យដឹងថា៖ នៅទាបភ្លឺព្រឹកថ្ងៃទី៥ ខែឧសភា ឆ្នាំ២០១៩ មានករណីអគ្គិភ័យមួយបានឆាបឆេះផ្សារអូរអំបិល ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ អស់ជាច្រើនតូប។

អាជ្ញាធរបានអោយដឹងថា៖ ហេតុការណ៍អគ្គិភ័យបង្កឲ្យមានការភ្ញាក់ផ្អើលនេះបានកើតឡើងនៅវេលាម៉ោងប្រហែល៣ទៅ៤ព្រឹក ថ្ងៃទី០៥ ខែឧសភា ឆ្នាំ២០១៩ ។

បើតាមការសន្និដ្ឋានជំហានដំបូង របស់សមត្ថកិច្ចអាចបណ្តាលមកពីទុស្សេកាប៊ីនភ្លើង តែទៅះជាយ៉ាងសមត្ថកិច្ចនឹងធ្វើការស្រាវជ្រាវឲ្យដឹងពីមូលហេតុពិតប្រាដកថាការឆេះនេះបណ្តាលហេតុអ្វី? ចំពោះទំហំនៃការខូចខាតសរុបជាទឹកប្រាក ជាច្រើនម៉ឺនដុល្លារ។ ដោយក្នុងនោះបានប្រើប្រាស់រថយន្តពន្លត់អគ្គីភ័យរបស់ស្នងការរដ្ឋាននគរបាលខេត្តអស់ចំនួន៣៣គ្រឿងទើបអាចគ្រប់គ្រងស្ថានការបានទាំងស្រុង ៕

ដោយ៖ ស សម