ខេត្តពោធិ៍សាត់៖ បុរសម្នាក់ត្រូវបានអ្នកភូមិផងរបងជា មួយ ចាប់ចងស្វាគមន៍មួយដៃមួយជើងរួចប្រគល់ឲ្យសមត្តកិច្ច បន្ទាប់ពីជនសង្ស័យរូបនេះកាប់ប្រហារសម្លាប់ប្រពន្យ៉ាងឃោរឃៅ បណ្ដាលឲ្យស្លាប់ក្នុងថ្លុកឈាមដ៍រន្ធត់ ដែលគេសង្ស័យបណ្ដាលមកពីភ្លើងប្រចណ្ឌ ។

 ហេតុការណ៍ឃាតកម្មប្ដីកាប់សម្លាប់ប្រពន្ធខាងលើ បានបង្កការភ្ញាក់ផ្អើលឡើងនៅវេលាម៉ោង៨ និង២០នាទី យប់ថ្ងៃច័ន្ទ ៣កើត ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៦ ខែឧសភា ឆ្នាំ២០១៩ ត្រង់ចំណុចផ្ទះប្ដីជាជនសង្ស័យជាឃាតករ និងប្រពន្ធជាជនរងគ្រោះ ស្ថិតក្នុងភូមិត្រពាំងឃ្លៃ ឃុំបឹងកន្ទួត ស្រុកក្រគរ ខេត្តពោធិ៍សាត់ ។

 យោងតាមរបាយការណ៍នគរបាលស្រុកក្រគរ ជនសង្ស័យដៃដល់ឃាតកជាប្ដីឈ្មោះ ម៉ុន សាម៉ន អាយុ ៣២ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុ ចំណែកស្រ្តីរងគ្រោះ(ស្លាប់)ដោយសារកណ្ដាប់ដៃឃាតកជាប្ដីឈ្មោះ យឿន សាវិន អាយុ ៣៣ឆ្នាំ ជនជាតិខ្មែរ កម្មការិនីរោងចក្រកាត់ដេរ(តៃអ៊ុីសុី)មានកូនប្រុសចំនួន ២នាក់បន្ទុកគ្រួសារ ។

 របាយការណ៍នគរបាលខាងលើបន្តថា មុនកើតហេតុស្រ្តីជាប្រពន្ធ(ជនរងគ្រោះ)ពេលត្រឡាប់ពីធ្វើការ បានទិញ លៀសដើម្បីយកមកហូបបាយ ពេលជនរងគ្រោះមូជទឹកសម្អាតកាយរួចរាល់ ក៍ហូបបាយជុំគ្នាឪពុក ម្ដាយ និងកូនៗចំនួន ៤នាក់ ខណៈនោះកូនទៅរើសបោយយកមកវិញ ស្រ្តីជាជនរងគ្រោះឆក់យកបោយពីដៃកូនគប់ប្ដីជា(ជនសង្ស័យ) ប្ដីទាញកែវគប់តបទៅប្រពន្ធទៀត ប្រពន្ធខំគេចក៍បណ្ដាលឲ្យដួល ខណៈទំនងឃើញឱកាសល្អដែលខ្លួនមានគំនិត្យផងនោះ ទាញយកពូថៅកាប់ប្រហារលើប្រពន្ធអត់ប្រណីនោះឡើយ បណ្ដាលឲ្យចំកផ្នែកខាងស្ដាំចំនួន ២ពូថៅ ស្លាប់ក្នុងថ្លុកឈាមនៅនឹងកន្លែងយ៉ាងរន្ធត់ ។

 របាយការណ៍ដដែលបន្តទៀតថា ក្រោយធ្វើសកម្មភាពរួចរាល់ជនសង្ស័យជាប្ដី បានប្រាប់អ្នកក្បែខាងថាអាញ់កាប់ប្រពន្ធអាញ់ស្លាប់ហើយ ពេលនោះអ្នកភូមិផងរបងជាមួយ និងសាច់ញាតិព័ទ្ធបានស្វាគមន៍យ៉ាងចាស់ដៃផងដែរ រួចចងដៃ.ជើងរាយការណ៍ និងប្រគល់ជូនសមត្ថ កិច្ច ជនសង្ស័យដៃដល់ឃាតកជាប្ដីឈ្មោះ ម៉ុន សាម៉ន បច្ចុប្បន្ន នាំយកទៅបន្តនីតិវិធីនៅអធិការដ្ឋាននគរបាលស្រុកក្រគរ មូលហេតុប្រចណ្ឌដោយចោតប្រពន្ធមានសាហាយ៕ បុឹម ពិន