ខេត្តរតនគិរី៖ ក្តារងឿចំនួន៤សន្លឹកមានប្រវែង៦ម៉ែត្រមុខកាត់៣,២ម៉ែត្រចំនួន២សន្លឹក មុខ៩០សង់ទីម៉ែត្រចំនួន១សន្លឹក នឹងមុខកាត់៩៥cmចំនួន១សន្លឹកកំរ៉ាស់២០សង់ទីម៉ែត្រដែលឈ្មួញដឹកជញ្ជូនតាមគោយន្តកែច្នៃ១គ្រឿងចេញពីភូមិកាំបាក់ ឃុំ តឺន ស្រុកកូនមុំ បំម្រុងនាំចេញទៅក្រុងបានលុង ត្រូវបានសមត្តកិច្ចចាប់បង្ក្រាបបានភ្លាមៗ ។
កាលពីវេលាម៉ោង៩នឹង៥នាទីយប់ថ្ងៃទី១៤ខែធ្នូឆ្នាំ២០១៥ ខណៈដែលគោយន្តផ្ទុកឈើគគីបើកឆ្លងកាត់ភូមិ-ឃុំខាងលើត្រូវបានសមត្តកិច្ចនគបាលសេដ្ឋកិច្ចខេត្តស្ទាក់ចាប់បាន រីឯម្ចាស់គោយន្តបានរត់គេចខ្លួនបាត់ស្រមោល។
តាមប្រភពពីសមត្តកិច្ចចុះបង្ក្រាបបានឲ្យដឹងថា ការបង្ក្រាបនេះនៅក្រោយពីទសមត្ថកិច្ចទួលព័ត៌មានពីភ្នាក់ងារសម្ងាត់ទើបកម្លាំងសមត្តកិច្ចបានចុះទៅ ឃាត់គោយន្តដឹកក្តារងឿនឹងវត្ថុតាងយកមករក្សាទុកនៅស្នងការដ្ឋាននគរបាលខេត្តទាំងយប់ហើយនៅពេលព្រឹកឡើងថ្ងៃទី១៥ ខែធ្នូ ឆ្នាំ២០១៥ សមត្ថកិច្ចបានរៀបចំបែបបទដើម្បីបញ្ជូនទៅជំនាញចាត់ការបន្តតាមច្បាប់ព្រៃឈើ ៕
ដោយ៖ អ៊ុច សាវុទ្ធ
