ភ្នំពេញ៖ ជនសង្ស័យ២នាក់ជិះម៉ូតូ២គ្រឿង បានធ្វើសកម្មភាពឆក់យកកាបូប ស្ត្រីជនជាតិ(អ៊ុយក្រែន)មា្នក់ បានសម្រេច ខណៈដែលជនរងគ្រោះជិះរ៉ឺម៉កម៉ូតូកង់៣ តាមបណ្ដោយផ្លូវលេខ១៤៤ មុខសណ្ឋាគារយីហោពេជ្រ ស្ថិតក្នុងសង្កាត់ផ្សារកណ្តាល២ ខណ្ឌដូនពេញ កាលពីវេលាម៉ោង១០ និង៣០នាទីយប់ ថ្ងៃទី១៥ ខែធ្នូ ឆ្នាំ២០១៥ ។
តាមប្រភពព័ត៌មានពីសាក្សីនៅកន្លែងកើតហេតុឱ្យដឹងថា នៅមុនពេលកេីតហេតុ គឺស្ត្រីរងគ្រោះជនបរទេសរូបនោះ ទេីបតែត្រឡប់មកពីដើរលេងនៅខេត្តប៉ោយប៉ែត ដោយជិះរ៉ឺម៉កម៉ូតូកង់បី ចេញពីផ្សារដើមគមកសណ្ឋាគារដែលខ្លួនស្នាក់នៅ លុះជិះមកដល់មុខសណ្ឋាគារយីហោពេជ្រ ដែលជាកន្លែងកើតហេតុខាងលើ ពេលនោះរ៉ឺម៉ូតូកង់បីបានឈប់ ដេីម្បីដាក់ជនរងគ្រោះស្រាប់តែភ្លាមនោះ ជនសង្ស័យ២នាក់ជិះម៉ូតូ២គ្រឿង ម៉ាកស៊ុយសីុគីឡេត មិនចាំពណ៌ និងស្លាកលេខ និងមួយគ្រឿងទៀតម៉ាកហុងដា សេ១២៥ ពណ៌ខ្មៅ មិនចាំស្លាកលេខដូចគា្ន មកពីក្រោយរួចធ្វើសកម្មភាពឆក់កាបូបពីស្ត្រីរងគ្រោះបានសម្រេច ហើយក៏ជិះរត់គេចខ្លួនទៅបាត់តែម្តង ។
ក្រោយកើតហេតុភ្លាមៗ ស្ត្រីជនរងគ្រោះបានទៅដាក់ពាក្យបណ្តឹង នៅប៉ុស្តិ៌រដ្ឋបាលនគរបាលផ្សារកណ្តាល២ ឱ្យជួយធ្វើអន្តរាគមន៏ផងដែរ ហេីយសម្ភារៈដែលមាននៅក្នុងកាបូបនោះមាន លុយចំនួន១០០០$, ប៉ាស្ព័រមួយ, ទូរស័ព្ទHTCមួយគ្រឿង ៕
...
ដោយ៖ ស ដារ៉ា
