អាមេរិកត្រៀមទាហានច្រើនណាស់ វាយប្រហារអ៊ីរ៉ង់ច្រើនជាង វាយប្រហារនៅអ៊ីរ៉ាក់ទៅទៀត

ចែករំលែក៖

កាលពីសង្គ្រាមនៅនៅក្នុងប្រទេសអ៊ីរ៉ាក់ឆ្នាំ​២០០៣ ពេលនោះអ៊ីរ៉ាក់មិនមានអាវុធទំនើបៗ ​ដូចនៅក្នុងប្រទេសអ៊ីរ៉ង់នោះឡើយ ​។ ឆ្មាំបដិវត្តន៍អ៊ីស្លាមអ៊ីរ៉ង់​មានសមត្ថភាព វាយប្រហារ ខ្ពស់  ដោយមានការហ្វឹកហាត់នឹងធ្វើសមយុទ្ធ ទាំងការពារនិងវាយប្រហារបានយ៉ាងល្អបំផុត ។

នៅពេលនេះដែរ អាមេរិកបានត្រៀមលក្ខណបញ្ជូនកម្លាំងទាហាន​១២០ពាន់ត្រៀមទប់ទល់ជាមួយអ៊ីរ៉ង់។ ប្រសិនបើសង្គ្រាម អាមេរិក អ៊ីរ៉ង់ផ្ទុះឡើង​នោះ អាមេរិកនឹងបញ្ជូនកម្លាំងទាហាន​ទ្រងទ្រាយធំ មិនធ្លាប់មាន ទៅកាន់តំបន់ជម្ឈិបបូព៌ា​​ ចាប់តាំងពីសង្គ្រាម​អ៊ីរ៉ាក់កាលពីឆ្នាំ​២០០៣។

សារព័ត៌មាន  New York Times  កាលពីថ្ងៃទី​១៣ខែឧសភា បានផ្សាយថា​ប្រធានាធិបតីដូណាលត្រាំ​ បានប្រកាស​ថា​​ រដ្ឋមន្ត្រីការពារជាតិ ​ Patrick Shanahan ​នឹង​បង្ហាញពីគម្រោងយោធា សម្រាប់ទប់ទល់នឹង​អ៊ីរ៉ង់  ដោយអាមេរិកនឹងបញ្ចូនកម្លាំងទាហានដល់ទៅ​១២០ពាន់នាក់ទៅកាន់មជ្ឈិមបូព៌ា​។

មេទ័ព ​ Joseph F Dunford Jr ប្រធានគណៈទីបញ្ជាការ និងជា អ្នកនាំពាក្យ​រដ្ឋមន្ត្រីក្រសួងការពារជាតិ​ អាមេរិក បានបដិសេធ​ លើកឡើងពីគម្រោងបញ្ជូនទាហានខាងលើ ។ ជាមួយគ្នានេះដែរ  ប្រធានាធិបតីដូណាលត្រាំលើកឡើងថា ប្រសិនបើអ៊ីរ៉ង់មានសកម្មភាព ណាមួយនោះគឺជារឿង​ខុសឆ្គងយ៉ាងខ្លាមង ។

ការប្រឈមមុខតានតឹងនៅក្នុងតំបន់កាន់តែ ខ្លាំងឡើង ក្រោយពេល​អាមេរិកបញ្ជូនយន្តហោះ​ទម្លាក់គ្រាប់​ B-52 ​ទៅកាន់ ប្រទេសកាតា​ ដើម្បីត្រៀមទប់ទល់ជាមួយអ៊ីរ៉ង់។ ​យន្តហោះទម្លាក់គ្រាប់​៤គ្រឿង​ប្រភេទ  B-52H Stratofortress មកពីទីតាំងទ័ព អាកាស​ Al Udeid ។​យន្តហោះខាងលើ មានសម្ថភាព វាយប្រហារ​ទៅទីតាំងសមខាន់ៗ ដោយមានការចូលរួមពីក្រុមនាវាផ្ទុកយន្តហោះ​ USS Abraham Lincoln ៕

...

 


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print