ភ្នំពេញ៖ នៅថ្ងៃសុក្រ១៤កើត ខែពិសាខ ឆ្នាំកុរ ឯកស័ក ព.ស ២៥៦២ ត្រូវនឹងព្រឹកថ្ងៃទី១៧ ខែឧសភា ឆ្នាំ២០១៩ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្តល់មូលនិធិចំនួន ១០០០.០០០ដុល្លារ(មួយលានដុល្លារ)ដល់មូលនិធិគន្ធបុប្ផាកម្ពុជា ដែលមានលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាប្រធានក្រុមប្រឹក្សាភិបាល នៃមូលនិធីគន្ធបុប្ផាកម្ពុជា ដើម្បីប្រើប្រាស់សម្រាប់ព្យាបាលជំងឺដល់កុមារកម្ពុជា ដែលជាការរួមចំណែកលើកកម្ពស់សុខភាពកុមារនៅកម្ពុជា៕

ដោយ៖ សហការី