គណៈកម្មការរៀបចំការបោះឆ្នោត ឥណ្ឌូនេស៊ី​បានប្រកាសលទ្ធផលបោះឆ្នោតជាផ្លូវការ​​ ដោយជ័យជំនៈបានទៅលើ ប្រធានាធិបតី​ឥណ្ឌូនេស៊ី ដដែល​​  ។

នៅព្រឹកថ្ងៃទី​២១ខែឧសភា គណៈកម្មការរៀបចំការបោះឆ្នោតបានប្រកាសថា លោកJoko Widodo ទទួលបានសំឡេងគាំទ្រ  ៥៥,៥ភាគរយ​ ចំណែកគណបក្សប្រឆាំងរបស់លោក​ Prabowo Subianto ​ទទួលបាន​ កាគំទ្រ ៤៤,៥ភាគរយ។

គណៈកម្មការរៀបចំការបោះឆ្នោត ឥណ្ឌូនេស៊ីបានបញ្ជាក់ថា ​ លោក​​Joko Widodo ​ទទួលបានជ័យជំនៈ បន្តដឹកនាំប្រទេសជាតិថែមមួយអាណត្តិ ទៀត ។ ប្រធានគណៈកម្មការរៀបចំការបោះឆ្នោត លោក​ Arief Budiman ​បានបញ្ជាក់ទៅកាន់ក្រុមអ្នកសារព័ត៌មានថា  សេចក្តីសម្រេចជាផ្លូវការ បានប្រកាសនៅថ្ងៃទី​២១ខែឧសភានេះ នឹងមានប្រសិទ្ធិភាព ក្នុងពេលនេះតែម្តង់។

គម្រោង ប្រកាស់លទ្ធផលរបស់គណៈកម្មការនឹងត្រូវធ្វើឡើងនៅថ្ងៃទី​២២ខែឧសភា  ប៉ុន្តែដើម្បីរក្សាសន្តិសុខក្នុងពេលប្រកាសលទ្ធផល មុនពេលមួយថ្ងៃ ។​កម្លាំងសន្តិសុខ ជាង​៣២ពាន់នាក់បានដាក់ពង្រាយនៅរដ្ឋធានីចាការតា​ដើម្បីទប់ស្កាត់​អំពើហឹង្សាកើតឡើង​។

ឥណ្ឌូនេស៊ីបានបោះឆ្នោត នៅថ្ងៃទី​១៧ខែមេសា កន្លងមក​​ ​ដែលជាការបោះឆ្នោត មួយថ្ងៃធំបំផុតនៅលើពិភពលោក ដើម្បីជ្រើសរើស ប្រធានាធិបតី អនុប្រធានាធិបតី និងតំណាងរាស្ត្រ ជាង ២០ពាន់នាក់គ្រាប់ជាន់ថ្នាក់នៅក្នុងប្រទេសនេះ អាណត្តិ ពីឆ្នាំ​២០១៩-២០២៤៕