ភ្នំពេញ៖ មុខសញ្ញាម្នាក់ប្លន់ប្រដាប់អាវុធ ហើយរំលោភទៀតត្រូវកម្លាំងព្រហ្មទណ្ឌខណ្ឌ៧មករាដេញ​តាម​ស្ទាក់ក្រោយពីល្បួងលោងនារីខារ៉ាអូខេ យកទៅដេកផ្ទះសំណាក់ ហើយយកកាំភ្លើងភ្ជង់ប្លន់យកគ្រឿងអលង្ការ កាលពីថ្ងៃ១២ ខែធ្នូ ឆ្នាំ២០១៥កន្លងមកនេះ ។

លុះមកដល់ថ្ងៃទី១៧ ខែធ្នូ ឆ្នាំ២០១៥នេះនៅវេលាម៉ោង២ និង០០នាទីយប់រំលងអាធ្រាត្រ ជនសង្ស័យត្រូវបាននារីរងគ្រេាះប្រទះឃើញដោយចៃដន្យ នៅចំណុចភោជនីយ៍ដ្ឋាន « ហ្សង់អេលីហ្សេ » ស្ថិតនៅតាមបណ្ដោយផ្លូវលេខ២៩៤កែង៦៣ ក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ ។ ក៏ត្រូវនារីរងគ្រេាះរាយការណ៍ទៅកម្លាំងព្រហ្មទណ្ឌខណ្ឌ៧មករា ធ្វើការឃាត់ខ្លួនបានភ្លាម ដោយដកហូតម៉ូតូមួយគ្រឿងម៉ាក RACING ពាក់ស្លាកលេខ1FD-7771  រួមនឹងកាំភ្លើងខ្លីម៉ាកK59 មួយដើម ។

ជនសង្ស័យមានឈ្មោះ ចៀន ថារ៉ូ ភេទប្រុស អាយុ៣៣ឆ្នាំ មុខរបរជាអ្នកនាំភ្ញៀរទេសចរណ៍ ស្នាកនៅមិនពិតប្រាកដ ។

បច្ចុប្បន្នជនសង្ស័យរួម នឹងវត្ថុតាងត្រូវបានកម្លាំងព្រហ្មទណ្ឌខណ្ឌ៧មករា ឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនខ្លួនទៅតុលាការចាត់ការតាមនីតិវិធីច្បាប់ ៕

ដោយ៖ ស រស្មី