ខេត្តកំពង់ឆ្នាំង៖ គ្រាប់កាំភ្លើងប្រភេទ M16 ជាច្រើនសាង(ច្រើនគ្រាប់)ដែលជនមិនស្គាល់មុខយកទៅលាក់ទុកនៅលើភ្នំមួយ ត្រូវបានកម្លាំងសហគមន៍ទឹកធ្លាក់ស្រែអំពិល ដែលស្ថិតនៅក្នុងឃុំក្តុលសែនជ័យ ស្រុកទឹកផុស ប្រទះឃើញកាលពីព្រឹក ថ្ងៃ សុក្រ ៥រោច ខែពិសាខ ឆ្នាំ កុរ ឯកស័ក ព.ស.២៥៦៣ត្រូវនឹងថ្ងៃទី២៤ ឧសភា២០១៩ រួចនាំគ្នារាយការណ៍ប្រាប់អាជ្ញាធរមានសមត្ថកិច្ចទៅយកមករក្សាទុកនៅកន្លែងមានសុវត្ថិភាព។
ប្រភពពីសមត្ថកិច្ចនគរបាលប៉ុស្តិ៍ក្តុលសែនមានជ័យ បានឲ្យដឹងថា មុនពេលប្រទះឃើញគ្រាប់កាំភ្លើងនេះ កម្លាំងសហគមន៍ទឹកធ្លាក់ស្រែអំពិល ស្ថិតក្នុងឃុំក្តុលសែនជ័យ បាននាំគ្នាឡើងលើភ្នំ ដើម្បីរកកាប់សសរសម្រាប់ធ្វើខ្យូស ហើយក៏ប្រទះឃើញគ្រាប់ M16 ចំនួន៥២៣គ្រាប់ជាគ្រាប់ប្រើការបាន៧០ភាគរយត្រូវជនមិនស្គាល់មុខលាក់ទុកនៅកន្លៀតថ្ម មិនដឹងតាំងពីពេលនាមកនោះទេ ។
ក្រោយពីប្រទះឃើញគ្រាប់ជាច្រើនខាងលើនេះភ្លាម ពួកគាត់បានរាយការណ៍ជូនសមត្ថកិច្ចមូលដ្ឋានចុះទៅពិនិត្យ និងប្រមូយកមករក្សាទុកនៅអធិការនគបាលស្រុកទឹកផុស៕
ដោយ៖ សហការី
