ភ្នំពេញ ៖ នារីម្នាក់ទំនងជាស្រវឹងស្រាបើករថយន្ត លឿនជ្រុលទៅបុករះរបងស័ង្កសីនិងបង្គោលភ្លើងស្តុបបណ្ដាលឲ្យរថយន្តផ្ងារជើងម្ខាង តែសំណាងល្អអ្នកបេីកបរមិនមានរងគ្រោះថ្នាក់អ្វីនោះទេ។ ហេតុការណ៍នេះបានកេីតឡេីងនៅម៉ោងជាង២រំលងអធ្រាត្រ ឈានចូលថ្ងៃច័ន្ទ ទី២៧ ខែឧសភា ឆ្នាំ២០១៩នៅតាមបណ្ដោយផ្លូវលេខ១៦៩ នៅជិតរង្វង់មូលនាងគង់ហ៊ីងស្ថិតស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញនារីម្នាក់ទំនងជាស្រវឹងស្រាបើករថយន្តមួយគ្រឿងម៉ាក TOYOTA PRIUS ពណ៌ឈាមជ្រូកពាក់ស្លាកភ្នំពេញ2AX-2541ដោយធ្វើដំណើរតាមបណ្ដោយផ្លូវលេខ១៦៩ក្នុងទិសដៅពីជើងទៅត្បូង ខណៈមកដល់ចំណុចកើតហេតុដោយរថយន្តបេីកលឿនបួងចង្កូតមិនទាន់ក៏ជ្រុលបុករះរបងស័ង្កសីនិងបង្គោលភ្លើងស្តុបបណ្ដាលឲ្យរថយន្តផ្ងារជើងម្ខាងទៅមុខលែងរួច ។ភ្លាមៗនោះនារីអ្នកបើករថយន្តត្រូវបានអ្នកបេីកកង់បីបានជួយទាញយកចេញមកក្រៅរួចរត់គេចខ្លួនចេញពីកន្លែងកើតហេតុបាត់ស្រមោល។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ទាក់ទងទៅសមត្ថកិច្ចជំនាញចរាចរចុះមកស្ទូច
យករថយន្តយកទៅរក្សាទុកនៅការិយាល័យចរាចរផ្លូវគោករាជធានីភ្នំពេញរងចាំដោះស្រាយគ្នានៅពេលក្រោយ៕ជ្រោយពេជ្រ
