រថយន្ត​កាមរី​ហាយប្រីតបើកបុក​បង្គោល​ភ្លើង​នៅ​ផ្លូវ​R៦រថយន្តបែកកង់ទៅមុខលែងរួច

ចែករំលែក៖

ភ្នំពេញ ៖ រថយន្ត​កាមរី​ហាយប្រឺកមួយគ្រឿង បានបើកបុក​បង្គោល​ភ្លើង​នៅ​ចញ្ចើមផ្លូវ​R៦តែមិនបង្កឲ្យមនុស្សរងរបួសនោះឡើយ ។​
ហេតុការណ៍គ្រោះថ្នាក់ចរាចរនេះ បានកើតឡើងកាលពីម៉ោង១២ និង៣០នាទីរំលងអធ្រាត្រឈានចូលថ្ងៃអង្គារ ទី២៨ ខែឧសភា ឆ្នាំ២០១៩ ​​ស្ថិត​នៅ​តាមបណ្ដោយផ្លូវR៦ កែងផ្លូវR៣ ក្នុង​សង្កាត់​ស្រះចក ខណ្ឌ​ដូនពេញ រាជធានីភ្នំពេញ ។​

ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តម៉ាកតូយ៉ូតា កាមរីហាយប្រឺត ស៊េរីឆ្នាំ២០០៧ ពណ៌ស ពាក់ស្លាកលេខភ្នំពេញ 2AK-6226 ធ្វើដំណើរដោយបុរសម្នាក់ និងមាននារីម្នាក់រួមដំណើរ បាន បើកបរតាមបណ្ដោយផ្លូវR៦ក្នុង ទិសដៅពីជើងទៅត្បូង ខណះមកដល់កែងផ្លូវR៣ ក៏រេចង្កូតឡើងខឿនចញ្ចើមផ្លូវទៅបុកបង្គោលភ្លើងរងការខូចខាតតិចតួច តែរថយន្តបង្កបានបែកកង់មុខ និងកាង តែមិនបណ្ដាលឲ្យមនុស្សរងរបួសនោះទេ ។​

ក្រោយកើតហេតុ សមត្ថកិច្ចមូលដ្ឋានចុះមកដល់កន្លែងកើតហេតុដែរ តែដោយសារការខូចខាតនេះគឺជាសម្បត្តិឯកជន ទើបសមត្ថកិច្ចឲ្យភាគីខាងរថយន្តសម្របសម្រួលគ្នាជាមួយតំណាងក្រុមហ៊ុន ដោយភាគីខាងរថយន្តព្រមសងថ្លៃខូចខាតទាំងស្រុងទៅលើការខូចខាតដែលបានបង្ក ដើម្បីបញ្ចប់រឿង​៕ជ្រោយពេជ្រ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print