ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវដល់ក្រសួងពាក់ព័ន្ឋនានា ត្រូវ​យកចិត្តទុកដាក់ខិតខំលើកទឹកចិត្ត និងជំរុញអោយប្រជាពលរដ្ឋប្រើប្រាស់ជីធម្មជាតិ ជំនួសជីគីមី ក្នុងការដាំដុះផលដំណាំទូទៅ និងកាត់បន្ថយការនាំចូលផលិតផល បន្លែ ផ្លែឈើ ដែលប្រើជីគីមី។ កម្ពុជារួមគ្នាដាំដំណាំគ្មានសារធាតុគីមី កាត់បន្ថយការនាំចូលផលដំណាំមានជីគីមី ដើម្បីសុខភាពប្រជាពលរដ្ឋ ។ ថ្លែងបែបនេះ នៅក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យពុទ្ឋ សាស្រ្ត នៅកោះពេជ្យ  ។

ទន្ទឹមនឹងនេះដែរ សម្តេចតេជោនាយករដ្ឋមន្រ្តីបានអំពាវនាវដល់បងប្អូនអ្នកទិញ សូមជួយទិញផលដំណាំខ្មែរយើងដែលដាំដុះមិនប្រើជាតិគីមី។ កាំកុងត្រូល ក្រសួងកសិកម្ម រុក្ខាប្រមាញ់ និងនេសាទ និងក្រសួងសុខា ភិបាល ត្រូវយកចិត្តទុកដាក់តាមដានត្រួតពិនិត្យអោយបានដិតដល់ដើម្បីសុខភាពប្រជាពលរដ្ឋយើង ៕