នគរបាលប្រឆាំងបទល្មើសសេដ្ឋកិច្ច បង្ក្រាបអាជីវកម្មជីកយកដីក្រហម គ្មានច្បាប់អនុញ្ញាត ពីស្ថាប័នជំនាញ

ចែករំលែក៖

ខេត្តសៀមរាប៖ កម្លាំងការិយាល័យសេដ្ឋកិច្ច នៃស្នងការនគរបាលខេត្តសៀមរាប សហការជាមួយកម្លាំងជំនាញ និងកម្លាំងចម្រុះមូលដ្ឋានស្រុកវ៉ារិន នៅថ្ងៃអង្គារ ទី៤ ខែមិថុនា ឆ្នាំ២០១៩ វេលាម៉ោង១១និង៥៨នាទីព្រឹកបានចុះបង្ក្រាបទីតាំងការដ្ឋានកាយយកដីក្រហម១កន្លែង គ្មានច្បាប់អនុញ្ញាតពីមន្ត្រីជំនាញ ស្ថិតនៅចំណុចអន្លង់ត្រាង ភូមិស្វាយស ឃុំស្វាយស ស្រុកវ៉ារិន ខេត្តសៀមរាប។

លោកវរសេនីយ៍ឯក សឿន សេន ប្រធានការិយាល័យសេដ្ឋកិច្ចបានបញ្ជាក់អោយដឹងថា ក្នុងកិច្ចប្រតិបត្តិការនេះសមត្ថកិច្ចបានធ្វើចំណាត់ការទៅលើម្ចាស់ទីតាំងដូចជា៖

១. ធ្វើកំណត់ហេតុបិទទីតាំងការដ្ឋានជាបណ្តោះអាសន្ន ដើម្បីឲ្យម្ចាស់ចូលខ្លួនដើម្បីធ្វើការផាកពិន័យអន្តរ ការណ៍ ដោយអនុលោមទៅតាម ច្បាប់ស្តីពី ការគ្រប់គ្រង និងការធ្វើអាជីវកម្ម ធនធានរ៉ែ ព្រមទាំងដាក់ពាក្យស្នើសុំ លិខិតអនុញ្ញាតឲ្យបានត្រឹមត្រូវពីស្ថាប័នជំនាញទើបអនុញ្ញាតឲ្យដំណើរការឡើងវិញ។

២. ធ្វើកំណត់ហេតុចាប់យកវត្ថុតាងៈ

- រថយន្តកង់ដប់ ម៉ាក HINO ១គ្រឿង ។

- រថយន្តកង់ដប់ពីរ ម៉ាក HYUNDAI ០២គ្រឿង ។

- អេស្កាវ៉ាទ័រ ម៉ាក KOMAT’SU ១គ្រឿង។

៣.នាំខ្លួនកម្មករបើកគ្រឿងចក្រ និងអ្នកធ្វើការនៅក្នុងការដ្ឋាន ៥នាក់ មកសាកសួរនៅអធិការដ្ឋាននគរបាលស្រុកវ៉ារិន។ ក្រោយពេលសួរនាំរួច បច្ចុប្បន្នកម្មករទាំង ៥នាក់បានធ្វើកិច្ចសន្យាអប់រំណែនាំ ហើយបានឲ្យត្រលប់ទៅកាន់លំនៅដ្ឋានវិញ។ រីឯវត្ថុតាងរថយន្ត៣គ្រឿង សមត្ថកិច្ចបានយកមករក្សាទុកនៅអធិការដ្ឋាននគរបាលស្រុកវ៉ា រិន ចំពោះអេស្កាវ៉ាទ័រកាយដី ១គ្រឿង បានរក្សាទុកនៅទីតាំងការដ្ឋាន ៕ប៊ុនរិទ្ធី