ខេត្តស្វាយរៀង៖ យ៉ាងហោចណាស់ជីដូននិងចៅប្រុសបានស្លាប់ភ្លាមៗខណះរើសបានគ្រាប់បែកសល់ពីសម័យសង្គ្រាម រួចនាំគ្នាយកដំបំរុងលក់អេតចាយចៃដន្យផ្ទុះលាន់កករើកដីបង្កការភ្ញាក់ផ្អើលដល់អ្នកភូមិកាលពីវេលាម៉ោង៩និង៣០នាទីព្រឹកថ្ងៃទី១០ខែមិថុនាឆ្នាំ២០១៩ស្ថិតនៅភូមិសំបូរ ឃុំសំបូរ ស្រុកស្វាយទាប ខេត្តស្វាយរៀង ។

បើតាមសមត្ថកិច្ចកងេាជអាវុធហត្ថស្រុកបានអោយដឹងថាជីដូនដែលស្លាប់មានឈ្មោះផង់សុភីអាយុ៦៥ឆ្នាំ មុខរបរកសិករ និងចៅប្រុសឈ្មោះ ឃួន បញ្ញា  អាយ១០ឆ្នាំមុខរបរសិស្ស អ្នកទាំង២រស់នៅភូមិសំបូរ ឃុំសំបូរ ស្រុកស្វាយទាប ខេត្តស្វាយរៀង។

សមត្ថកិច្ចបាន​ឲ្យ​ដឹងទៀតថា ជីដូននិងចៅប្រុសមានជីវភាពក្រីក្រខ្វះខាតទើបបាននាំគ្នាយកគ្រាប់បែកក្រសាំងដំបំរុងយកលក់ដើម្បីទិញម្ហូបនៅកន្លែងទិញ-លក់អេតចាយកន្លែងកើតហេតុស្រាប់តែជួបហេតុការណ៏គួរអោយរន្ធត់ បែបនេះតែម្ដង។

សពទាំង២នាក់ជីដូននិងចៅត្រូវបានសមត្ថកិច្ចធ្វើកំណត់ហេតុនិងបានប្រគល់អោយក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលនិងសោកសង្រេងបំផុត ៕