រថយន្តដឹកទូកុងតឺន័របើកលឿនបុករះរថយន្តចំនួន៥គ្រឿងបន្តកន្ទុយគ្នា

ចែករំលែក៖

ភ្នំពេញ ៖ ហេតុការណ៍​គ្រោះថ្នាក់ចរាចរណ៍មួយបង្កឡេីងដោយសារថយន្តធុនធំដឹកទូកុងតឺន័របេីកលឿនបុករថយន្ដ
ចំនួន៥គ្រឿងរុញបន្តកន្ទុយគ្នាខណះកំពុងស្ទះចរាចរណ៍បណ្តាលឲ្យគៀបជាប់គ្នានិងធ្វេីអោយរបួសម្នាក់។
ហេតុការណ៍​នេះបានកេីតឡេីងកាលពីវេលាម៉ោង២និង១០នាទីរសៀល ថ្ងៃទី១៣ ខែមិថុនា ឆ្នាំ២០១៩ ស្ថិតនៅលើផ្លូវវេងស្រេង មុខផ្សារចោមចៅ ភូមិព្រៃជីសាក់ សង្កាត់ចោមចៅ ៣ខណ្ឌពោធិសែនជ័យ ។
តាមប្រភពនៅកន្លែងកើតហេតុ បានឲ្យដឹងថា មុនពេលកេីតហេតុខណៈដែលចរាចរណ៍កំពុងស្ទុះត្រង់ចំណុចរង្វង់មូលចោមចៅហេីយរថយន្តជាច្រេីនគ្រឿងកំពុងឈប់ភ្លាមនោះក៏មានរថយន្តហុីយ៉ាន់ដាយ ឃ្លប់ពណ៌លឿង ពាក់ស្លាកលេខ ព្រះសីហនុ 3A-3703 ធ្វេីដំណេីរតាមបណ្តោយផ្លូវវេងស្រេងក្នុងទិសដៅពីត្បូងទៅជេីងក្នុងល្បឿនលឿនក៏ជ្រុលបុករថយន្តកាមរីបាឡែនពណ៌ស ពាក់ស្លាកលេខ ភ្នំពេញ 2AE-3079​ ដែលនៅខាងមុខហេីយទាញចង្កូតមកឆ្វេងក៏ជ្រុលបុករថយន្តម៉ាក ហុីយ៉ាន់ដាយ ពណ៌ ស្លាទុំ  ភ្នំពេញ 2H-7221 ដឹកគ្រោងទ្វាររុញទៅបុករថយន្ត កុងតៃន័រ ម៉ាកហុីយ៉ាន់ ពណ៌ប្រផេះ ឆ្នូតខៀវ ពាក់ស្លាកលេខ ភ្នំពេញ 3C-0204 និងរថយន្តម៉ាក ស្តារិច ពណ៌ ស ពុំមានស្លាកលេខបន្តរុញទៅបុករថយន្តម៉ាកសាំយ៉ុង មិនចាំស្លាកលេខ ។ ក្រោយកើតហេតុ ខូចតិចតួច បានបើកចេញទៅបាត់ ។ ក្រោយពីជួបហេតុការណ៍ខាងលើ អ្នកបើកបររថយន្ត បង្ក ឃ្លប់ បានចុះគេចខ្លួនបាត់ ទុកតែរថយន្តនៅកន្លែងកើតហេតុ ។  ហេតុការណ៍ខាងលើ បង្កឲ្យកកស្ទះចរាចរណ៍ សមត្ថកិច្ចចុះទៅដល់កន្លែងកើតហេតុ ដើម្បីសម្រួលចរាចរណ៍ និងបាញ់ថ្នាំចំណាំ យករថយន្តចេញដាក់គៀនខាង នៅកន្លែងកើតហេតុ នៅសល់តែរថយន្តចំនួន៥គ្រឿង ត្រូវបានសមត្ថកិច្ចមូលដ្ឋានទំនាក់ទំនងទៅជំនាញមកធ្វេីការវាស់វែងយករថយន្តទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់៕ សុខាសែនជ័យ​

 

 

 

 


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print